"Qəbələ" Misli premyer-liqasının 17-ci turunda səfərdə "Səbail"ə 0:3 hesabı ilə məğlub olub.

"Football-plus.az" xəbər verir ki, "qırmızı-qaralar"ın məşqçisi Xaqani Məmmədov oyundan sonra keçirilən mətbuat konfransında jurnalistlərin suallarını cavablandırıb:

- Elmar Baxşıyev narahat olduğu üçün mətbuat konfransında mən iştirak edirəm. Komanda oyuna ruhsuz çıxmışdı. Futbolçuları motivasiya etməyə nə qədər çalışsaq da, alınmadı. Buna görə də oyunumuz alınmadı və məğlub olduq.

- Qış fasiləsində nəyi dəyişəcəksiz?
- İstəyirik ki, komanda ilə təmasda olaq, problemləri öyrənək, görək futbolçuların məqsədləri nədi. Onlarla danışırıq, deyirlər ki, heç bir problem yoxdu, biz də çalışırıq ki, oyunumuzu göstərək. Amma alınmır. "Sabah"la oyuna hazırlaşacağıq. Çalışacağıq ki, ən yaxşısını edək.

- Qırmızı vərəqələrin çoxluğunun səbəbi nədi?
- Komanda aşağı pillələrdə gedir deyə oyunçuların əhval-ruhiyyəsi yaxşı deyil. Bir-biriləri ilə sanki küskün kimidirlər. Nəsə olan kimi dərhal ya hakimə, ya rəqibə reaksiya verirlər. Buna görə onları cəzalandırırıq. Gələcəkdə də belə hallar olsa, yenə cəza verəcəyik. Çalışacağıq ki, problemləri həll edək.

- Elmar Baxşıyev istefa verib?
- Xeyr, verməyib.