"1-ci dövrə bizim üçün gərgin, əzmkar mübarizəli keçdi. Turnir cədvəlindəki hazırkı mövqeyimiz çox şeydən xəbər verir. Liderdən cəmi 1 xal geridəyik. Bizi izləyən komandalarla isə 2 xal fərqimiz var. Ümumilikdə çempionluq uğrunda 4-5 komanda gərgin mübarizə aparır. Bu hələ turnirin başlanğıcıdı. Çempionatın üçdəbir hissəsində bu qədər əzmkarlıq varsa, deməli, qarşıda lap ağır olacaq. Öz oyunumuza gəlincə, hesab edirəm ki, yaxşı çıxış etdik. Ümumi götürəndə futbolçularımdan razıyam. Amma bu hələ tam potensialımız deyil, daha yaxşı çıxış edə bilərik. Odu ki, 2-ci dövrədə meydanda bütün potensilımızı açmalıyıq. Bunun üçün əlimizdən gələn hər şeyi edəcəyik. Ümid edirəm ki, çempionatı istədiyimiz yerdə bitirəcəyik".