"Yeni mövsümdən əvəzedicilərlə 1-ci liqa təmsilçilərinin çempionatlarının ayrılması, 2-ci liqanın təsis edilməsi futbolumuza təsirsiz ötüşmədi. Hazırda bütün liqalarda gərgin mübarizə gedir. 1-ci liqaya nəzər salsaq, yetərincə yaxşı, çempionluğa iddialı 4-5 komanda var. Heyətinə görə "Şamaxı", "Karvan", "İmişli" və "İrəvan"ı qeyd edərdim. Amma MOİK ilə "Qaradağ Lökbatan" xarakter göstərərək 1-2-ci pillələrə yiyələniblər. Çoxları mübarizənin belə axarını gözləmirdi. Söz yox ki, qarşıda hələ iki dövrə var. Hər oyun ağır, gərgin keçəcək. "Araz Saatlı" ilə "Difai Ağsu" autsayder olsalar da, döyüşürlər, inanıram ki, qarşıdakı dövrələrdə onlar daha yaxşı çıxış edib nəticələr qazanacaqlar. İstefalara gəlincə, bu, futbolun bir hissəsidi. Hər bir baş məşqçiyə gələcək karyerasında uğur arzulayıram. İstefa varsa, deməli, rəqabət var. 1-ci liqanın son tura qədər gərgin keçəcəyini düşünürəm”.