Dünən Asiya Çempionlar Liqasında qrup mərhələsinin 5-ci turunun oyunlarına start verilib.

"Football-plus.az" xəbər verir ki, ''Əl-Nəssr'' evdə ''Persopolis''lə qolsuz bərabərliyə qalaraq qrupda ilk dəfə xal itirib. Buna baxmayaraq Kriştiano Ronaldonun komandası qrup liderliyini təmin edib. Bu görüş maraqlı bir hadisə ilə Avropa mətbuatının diqqətini cəlb edib. Belə ki, artıq 2-ci dəqiqədə Çindən olan hakim Kriştiano Ronaldoya qarşı kobudluğa görə penalti təyin edib. Qonaqlar bu epizodda ciddi etiraz ediblər. Maraqlıdı ki, portuqaliyalı superulduz özü də hakimə yaxınlaşaraq kobudluğa məruz qalmadığını və qərarın yanlış olduğunu bildirib. Bundan sonra isə hakim qərarını dəyişməli olub. ''Qızıl top''un beşqat qalibi bu hərəkəti ilə əsl ''feyr-pley'' örnəyi sərgiləyib və böyük alqış qazanıb.

ƏLİ