Vüsal İsgəndərli De Byaziyə instaqramda nə yazıb? - ÖZÜ AÇIQLADI
Əsas millimizin sabiq baş məşqçisi Canni de Byazi bəzi yerli futbolçulara yoxmuş kimi davranırdı. Bu sırada hazırda Albaniya "Eqnatiya"sında çıxış edən Vüsal İsgəndərli də var idi. İtaliyalı Azərbaycanla vidalaşmazdan əvvəl Qara Qarayevi niyə millidən kənarlaşdırdığına aydınlıq gətirsə də, Vüsal haqda bir şey demədi.
"Football-plus.az" olaraq təcrübəli futbolçuyla əlaqə saxlayıb bu haqda fikirlərini öyrəndik:
"Yığmaya dəvət edilməməyimin səbəbi həmişə mənə maraqlı olub. Hətta, De Byazinin instaqram hesabına mesaj yazıb soruşmuşdum ki, niyə məni çağırmırsız? Təəssüf ki, sualımı cavabsız qoyub getdi. İndi millimizə kimin rəhbərlik edəcəyi maraqlıdı. Bu haqda ən düzgün qərarı rəhbərlik verəcək. Mənim üçün kimin olacağının fərqi yoxdu. Əsas odu ki, millimiz inkişaf etsin və uğur qazansın".
Həmçinin, Vüsal "Eqnatiya"dakı durumunun çox yaxşı olduğunu və işlərinin qaydasında getdiyini dedi.
KƏNAN BAHADIR
Digər xəbərlər
