Vüsal daha böyük kluba keçməyi arzulayır
Vüsal İsgəndərli Albaniya "Eqnatiya"sında vurduğu ilk qol haqda fikirlərini bizimlə bölüşdü:
“Özümü çox yaxşı hiss edirəm. İlk qol mənə böyük motivasiya verdi. Başqa matçda da buna çox yaxınlaşmışdım, amma qismət olmamışdı. Hazırda əlimdən gələni edib qollarımın sayını artırmaq istəyirəm. Şükür Allaha, komandama uyğunlaşmışam. Hər şey qaydasındadı. Hədəfim daha böyük klublarda çıxış etməkdi”.
Mahir Emrelidən də xəbər var. Zaqreb "Dinamo"su Konfrans Liqasının qrup mərhələsinin oyunları üçün iştirak ərizəsini açıqlayıb. 28 oyunçudan ibarət siyahıya Mahirin də adı daxil edilib. Qeyd edək ki, "Dinamo" G qrupunda “Viktoriya” (Çexiya), “Astana” (Qazaxıstan) və “Balkani” (Kosovo) ilə münasibətləri aydınlaşdıracaq.
KƏNAN BAHADIR
Digər xəbərlər
