“Ən yaxşı oyunumuzu göstərdik”
Millimiz AÇ-2024-ün seçmə mərhələsində İsveçi məğlub edib - 3:0.
“Football-plus.az” xəbər verir ki, matçdan sonra yığmamızın çalışdırıcısı Canni de Byazinin mətbuat konfransı keçirilib. Sizi onun fikirləri ilə tanış edirik:
“Dünən kimsə bizə demişdi ki, biz Avstriya və Belçika matçında yaxşı oynamışdıq. Demişdim ki, futboldan başı çıxmayan, gic adam bunu görməyə bilər. Bu gün yaxşı başladıq, qol vurduq. Risk etmədik. İkinci yarıda özümüzü çətinliyə saldıq. Çox hücuma çıxırdıq. Meydanda ürəyimizi qoyduq. Ən yaxşı oyunumuzu göstərdik. Uşaqlar alqışa layiqdilər. Təbii ki, başa düşürəm, milli uduzanda stadiona gedib onu dəstəkləmək çətindi. Amma elə uduzanda, gedib dəstək olmaq lazımdı. Tam ürəklə məşq edib, işləyirik. Hər oyunda 100 faizi meydanda qoyuruq”.
- Bəziləri deyir ki, bu, Azərbyacan millisi tarixin ən yaxşısıdır. Razısız?
- Bunu bilmirəm, siz məndən yaxşı bilərsiz. Əvvəl burada olmamışam. İndiki komandada yaxşı oyunçular var. Yerli liqada oynayanlar var, xaricə gedənlər də oldu. Yaxşı oyunçu olmaq üçün beyində hazırlıqlı olub, məqsəd uğrunda çalışmalısan. Bu baxımdan bizdə nəsə çatışmır. Mən bura gələndən yaxşı mənada dəyişiklik var. Oyunu taktiki baxımdan yaxşı idarə edirik. 10 nəfərlə bu gün sona qədər vuruşduq.
- Milli Avstriya və Belçikaya qarşı da Bakıda pis oynamamışdı, amma sonda 0:1 hesabı ilə uduzmuşduz. Bu gün isə qələbə qazandınız. Nəyi edə bildiz ki, qələbə alındı?
- Əsas fərq odu ki, yaratdığımız epizodlardan istifadə etdik. Bu gün ilk dəqiqələrdə iki qol vurduq. Avstriya ilə matçda iki qol epizodundan istifadə edə bilmədik. Effektiv olmalıyıq. Komanda inkişaf edir, bu, göz qabağındadı. Seçmə mərhələnin ən ağır qrupundayıq. Üçüncü yerdəyik. Düzdü, bazar günü vəziyyət dəyişə bilər. Amma biz Belçika ilə matça da yaxşı hazırlaşacağıq. Belçikaya qarşı Bakıda yaxşı oynamışdıq. Mən Azərbaycan millisinin azarkeşi olsaydım, bu hallara çox sevinərdim.
- Bir müddət əvvəl demişdiz ki, meşə salırsız və bunun ilk mərhələsindəsiz. Bu qələbə ilə ilk toxumları səpmiş olduz?
- Bu suala Belçika ilə matçdan sonra cavab verim. Çoxunuz oyuna baxmadan, nəticəyə baxıb danışırsız. Bu, doğru deyil. Deyirsiz ki, indiki milli tarixin ən güclü komandasıdı. Amma bir neçə ay əvvəl uduzanda bizi pisləyirdiz. Futbolçulara təşəkkür elədim.
- Rövnəq Abdullayev bildirdi ki, bu qələbə Azərbaycan futbolunda dönüş olacaq və Belçika ilə görüşdən sizin üçün çox şey asılı olacaq. Siz özünüz özünüzlə müqavilə imzalayardız?
- Oyuna üç gün qalıb. Matçdan sonra baxıb görərik.
- Üçüncü qolu Arif Əsədova təpik vuraraq qeyd etdiz. Bu, sizə olan tənqidlərə cavab idi, yoxsa necə?
- Ariflə münasibətimiz əladı. Dəyişiklikər zamanı müzakirə edirdik. Futbolda da 60 yaşlı kişilər özünü uşaq kimi aparır. Sadəcə sevincli alındı.
Digər xəbərlər
