Manuel Noyerin həyatında əlamətdar hadisə baş verib.

"Football-plus.az" xəbər verir ki, o, 2-ci dəfə ailə qurub.

“Bavariya”nın 37 yaşlı qapıçısı 23 yaşlı həndbolçu Anika Bissel ilə evlənib. “Bild” qəzetinin bu barədə yaydığı məlumatda idmançıların toyunun kütləvi tədbir xarakterli olmadığı bildirilib. Həndbolçu artıq sosial şəbəkədəki profilində də soyadını dəyişib. Anikanın Münhen klubunun qapıçısından uşaq gözlədiyi də qeyd edilib.

Xatırladaq ki, Noyerin Bissel ilə münasibətdə olması barədə xəbər hələ 2020-ci ildə ortaya çıxmışdı.