Uzun müddətdi futbol oynaya bilməyən Manuel Noyer ilə bağlı növbəti xəbər yayılıb. Onun hələ bir neçə ay da yaşıl meydanda görünməmək ehtimalı var.

"Football-plus.az" xəbər verir ki, “Bavariya”nın oyunçusunun zədəsinin bərpa prosesi yavaş gedir.

Almaniyalı qapıçı qışda tətil zamanı xizək sürərkən ayağı sınmışdı. Mayın sonunda Manuelin ayağından vint çıxarılmışdı. Onun yaxın aylarda tamamilə sağalacağı gözlənilirdi. Lakin “Bild” qəzetinin yazdığına görə, futbolçu son həftədə məşq zamanı getdikcə artan narahatlıq yaşayır və ağrılar hiss edir. Bütün bu problemlərin fonunda Münhen klinikasının həkimləri Noyerin bu ilin sonuna qədər sağalmaq ehtimalının az olduğunu ehtimal edirlər.

Yeri gəlmişkən, “Bavariya” digər qapıçısı Yan Zommeri “İnter”ə satıb.