“Qarabağ”a qarşı oyunumdan narazı qaldım. Bacarığımı nümayiş etdirə bilmədiyimi düşünürəm”.
“Football-plus.az” xəbər verir ki, bunu Almaniyanın “Bayer 04” klubunun futbolçusu Natan Telya yerli mətbuata açıqlamasında deyib.
24 yaşlı hücumçu Avropa Liqasının qrup mərhələsində “Qarabağ”la Bakıda keçirilən oyundan sonra Nigeriya yığmasına çağırılmasını dəyərləndirib:
“Qarabağ”la görüşdən sonra insanların məni tənqid edəcəklərini düşünürdüm. Çünki pis oynamışdım. Ancaq baxdım ki, ailəm və yaxınlarım milliyə çağırıldığım üçün mənə təbrik mesajları yazıb. Adımı yığmanın siyahısında görəndə isə şoka düşdüm. Bu, mənə özünəinam verdi”.
Qeyd edək ki, “Qarabağ” – “Bayer-04” görüşü qonaqların 1:0 hesablı qələbəsi ilə yekunlaşıb. Leverkuzen təmsilçisi 4 oyundan sonra 12 xalla H qrupunda liderdi. İkinci pillədə qərarlaşan Ağdam klubunun hesabında 6 xal var.