"Çempionat oyunlarına az sayda azarkeşin gəlməsinin səbəbi çoxdu. Əvvəla premyer-liqamızda maraq və rəqabətlilik yoxdu. Artıq elitada "Karvan", "Xəzər-Lənkəran", "Simurq", "İnter", "Neftçi" kimi güclü komandalar yoxdu. Çempionatda rəqabət, intriqa, qarşıdurma olmadısa, oyunlar diqqəti cəlb etmir. Baxın, 60 minlik Bakı Olimpiya Stadionu beynəlxalq oyunlar zamanı dolur. Deməli, xalq arasında futbola maraq var, amma çempionata maraq yoxdu. Bundan başqa, süni problemlər yaradılır ki, bu da azarkeşləri futbolumuzdan soyudur. Məsələn, polisin yersiz müdaxiləsi, fanatları sıxışdırması… Mənim də, qohumlarımın və tanışlarımın da başına gəlib. Maşın parklanması zamanı maneələr, oyun saatının iş vaxtı ilə üst-üstə düşməsi də futbolsevərləri stadionlardan soyudur".