Bugünlərdə türkiyəli hakim Hakan Ceylan Türkiyə futbolunda ən çox müzakirə olunan şəxslərdən birinə çevrilib.

“Football-plus.az” xəbər verir ki, təcrübəli ədalət təmsilçisinin 14 illik həyat yoldaşı Leyla Ceylan uzun müddətdi psixoloji təzyiq gördüyünü bildirərək boşanma ərizəsi verib. İlk baxışdan burda qeyri-adi nəsə yoxdu. Amma Leyla Ceylanın boşanma üçün göstərdiyi səbəblərdən biri əsl bomba effekti verib. O, Hakan Ceylanın Hakimlər Komitəsinin sabiq sədri Leyla Orta ilə eşq yaşadığını iddia edib! Sabiq hakim Hasan Ceylanın oğlu olan Hakan Ceylan 1979-cu ildə İzmirdə doğulub. İndiyə qədər peşəkar liqalarda 225 oyun idarə edib. Amma son illərdə superliqada oyunlara əsasən VAR hakimi qismində təyinat alırdı. Hətta bu ildən etibarən VAR hakimi kimi FİFA dərəcəsi də almağı bacarıb. Leyla Ortanın 1960 təvəllüd olduğunu, yəni Hakan Ceylandan 19 yaş böyük olduğunu vurğulayaq. 63 yaşlı Orta bu ilin yanvarından iyununa qədər HK-nın sədri kimi çalışmışdı. Ortaya atılan qalmaqallı iddiadan sonra Lalə Ortanın vəkili rəsmi yazılı açıqlama verib. O, bu iddianın tam yalan olduğunu, Lalə Ortaya iftira atıldığını və Leyla Ceylandan İstanbul Anadolu Cümhuriyyət Baş Prokurorluğuna şikayət etdiklərini bildirib. Onu da vurğulayaq ki, Lalə Orta özü də ailəlidi. Onun həyat yoldaşı akademik Ahmet Zəki Ortadı. O, bu ilin fevralında hakimlər üçün keçirilən seminarlardan birində iştirak etmişdi. Həmin vaxt Lalə Orta HK sədri idi və onun öz həyat yoldaşına bu sahədə iş verməsi müzakirələrə səbəb olmuşdu. Leyla Ceylanın Hakan Ceylan haqqında səsləndirdiyi digər iddialar isə bunlardı: