“Xəmsə” Müstəqil Fanat Klubu olaraq “Kəpəz”i bütün ev və səfər matçlarında dəstəkləmişik. Komandanın hazırkı vəziyyəti yalnız nəticə yox, göstərdiyi oyun baxımından da hamı kimi, bizi də narahat edir. Düzdü, maddi-texniki baza və infrastruktur ürəkaçan vəziyyətdə deyil. Buna baxmayaraq, son durum bizi qane etmir. “Kəpəz”də yalnız gəncəlilər çalışmalıdı" fikrinin tərəfdarı deyilik. Bizim üçün önəmli olan klubdakı şəxslərin işinə məsuliyyətlə yanaşmasıdı. Komandaya zərər verən şəxslərə qarşı mübarizəmizi davam etdirəcəyik. Qış fasiləsinədək ümidverici sayda xal toplanmazsa, klub rəhbərliyinin və məşqçi heyətinin istefasını tələb edəcəyimizi, istefa gerçəkləşməzsə, daha sərt addımlar atacağımızı bəyan edirik. Sonda isə bildiririk ki, o vaxta qədər lazımi azarkeş dəstəyini göstərməyə davam edəcək və bu yolda klubun yanında olacağıq”.

“Borcumuz qələbələr qazanıb azarkeşləri sevindirməkdi. Təəssüf ki, ilk dövrədə buna nail ola bilmədik. Hər birimiz çox istəyirdik ki, “Sumqayıt”la matçdan qələbə ilə qayıdıb tərəfdarlarımıza ümid bəxş edək. Təəssüf ki, alınmadı. Bəli, sonuncu yerdəyik. Lakin turnir cədvəlinə baxsaq, görərik ki, 5 xalı güclü rəqiblərdən almışıq. Bu, komandanın daha böyük işlər görə biləcəyindən, çoxlu xallar qazanmaq üçün yetərli imkanı olduğundan xəbər verir. Qaneedici pillələrdə qərarlaşmaq üçün şansı olan azsayda komandalardan biriyik. Futbolçularımın potensialına bələdəm. Hər birinə ayrı-ayrılıqda güvənirəm. Elə rəqiblər var ki, onlarla meydana çıxanda xal qazanacağımıza əmin oluram. Lakin olmayanda olmur, Allahın qismətidi. 1-ci dövrədə 5 xalla kifayətləndik. Amma bu hələ hər şey deyil. Bizdən öndə olanlara baxsaq, görərik ki, xal fərqi çox deyil. “Sabah” və “Qələbə”dən 2 xal geridəyik. Bəzi sınaqlarda zəif çıxış etməyimizin səbəbləri çoxdu. Hamı bilir ki, “Kəpəz”in heyəti tam komplektləşməyib. Futbolçu çatışmazlığı var. Aparıcı oyunçulardan birinin zədələnməsi ümumi plana təsir edir. Rahat rotasiyalar edə bilmirik, etsək belə, tarazlıq bəpa olunmur. Bunu “Sumqayıt”la görüşdə də gördük. Papunaşvili ilə Onanuqanın zədəli olması bizi xeyli geri saldı”.

“2-ci dövrədə problemlərin geridə qalacağına inanıram. Yeni hücumçumuz Adame Niane və qapıçımız İqor Rodriges bizimlə olacaq. Onlara inamım böyükdü. Tezliklə transferlərini ictimaiyyətə açıqlayacıq. Yalnız İran Futbol Federasiyası Niane üçün sənədimizi təsdiq etməyib. Bugünlərdə cavab gəlməlidi. Bununla işlər yekunlaşacaq və tam heyətlə meydanda olacağıq. İnşallah, zədəlilərimiz olmaz və “Kəpəz” var gücü ilə mübarizə aparar. Belə olan halda, xallar qazanıb premyer-liqadakı yerimizi möhkəmlədəcəyik. Məncə, hələ heç nə itirilməyib. Qarşıda daha 3 dövrə var”.

“Bundan xəbərim yox idi. Sosial şəbəkədən yararlanmıram. Həmçinin ətrafımdakılardan xahiş etmişəm ki, komandanın durumu düzələnə qədər deyilənlər, yazılanlar haqda heç nə deməsinlər. Bilmək istəmirəm. Əvvəllər də dediyim kimi, “istefa” şüarı səsləndirmək “Kəpəz”i sevən hər kəsin haqqıdı. Komandanın durumu yaxşı deyilsə, etiraz bildirənləri normal qarşılayıram. “Xəmsə”nin fikirləriylə razıyam. 2-ci dövrənin sonunda komandaya xeyirdən çox ziyan verdiyimi görsəm, istefa verəcəm. İnkişaf üçün dəyişiklik lazımdısa, mən buna hazıram. İstefa vermək böyük mədəniyyətdi. Amma bunun yaşanacağına inanmıram. Çünki qış fasiləsinə qədər bütün problemlər geridə qalacaq və xal durumu azarkeşləri razı salan səviyyədə olacaq. 3-4-cü dövrələrdə isə davamını gətirib mövsümü orta pillələrdən birində başa vuracağıq”.