“Biz futzalı topla yox, daş parçalarıyla oynaya-oynaya öyrənmişik” – Qazaxıstan millisinin üzvü
“Azərbaycan millisi ilə ilk oyun çətin keçdi. Rəqib azarkeşlərin önündə yaxşı oyun göstərdi. Lakin bizim tərəfdarlarımız da Bakıya gəlmişdi. Onların sayəsində özümü evimizdəki kimi hiss etdik. Cavab görüşündə həmin matçdakı səhvləri etməməyə çalışacağıq”.
“Football-plus.az” xəbər verir ki, bu sözləri Qazaxıstan futzal yığmasının üzvü Narun Serikov deyib. Qapıçı sabah bu komandalar arasında keçiriləcək oyuna da toxunub:
“İlk qarşılaşmanı diqqətlə izləyib təhlil etmişik. İnşallah, tərəfdarlarımızın dəstəyi sayəsində qələbə qazanacağıq. Məşqlərimiz çox yaxşı keçir. Yeni meydançaya alışmışıq. İndiki hədəfimiz rəqibi məğlub edib növbəti mərhələyə adlamaqdı. Planımız dünya çempionluğunu təmsil edən kuboku Astanaya gətirməkdi. Biz futzalı topla yox, daş parçalarıyla oynaya-oynaya öyrənmişik. Əziyyətimizin bəhrəsini mütləq görəcəyik”.
KƏNAN BAHADIR
Digər xəbərlər
