AÇ-2024-ün seçmə mərhələsi çərçivəsində oktyabrın 12-də Xorvatiya, 15-də Latviya ilə qarşılaşacaq Türkiyə yığmasının heyətində dəyişiklik edilib.

"Football-plus.az" xəbər verir ki, Türkiyənin başında debüt oyununa çıxmağa hazırlaşan Vinçentso Montellanın açıqladığı ilkin heyətdə 2 futbolçu ilk dəfə yığmaya dəvət almışdı. Söhbət ''Yuventus''lu Kənan Yıldız və ''Adana Dəmirspor''un qapıçısı Ərtaç Özbirdən gedir. Amma debutantların sayı artıb.

Belə ki, ''Hoffenhaym''lı Ozan Kabak bundesliqanın son turunda zədə aldığından onun adı heyətdən çıxarılıb. Əvəzinə isə yığmaya ilk dəfə Rayyan Baniya dəvət olunub. Atası beninli, anası adanalı olan bu futbolçu 1999-cu ildə İtaliyada doğulub. Mərkəz müdafiəçi olan Baniya futbola ''Modena''nın akademiyasında başlayıb. Daha sonra ''Verona'', ''Mantova'' və ''Renate''də çıxış edən istedadlı futbolçu 2021-dən Türkiyədə top qovur. 2 il ''Fatih Karagümrük''də sərgilədiyi oyunla diqqət çəkən 24 yaşlı oyunçu bu yay 2 milyon avro qarşılığında ''Trabzonspor''a transfer olundu. 3 ölkənin vətəndaşlığına malik olan Baniya Türkiyə yığmasında oynamağa üstünlük verib.

ƏLİ