Avropa çempionu “Neftçi”ni tərk etdi - EKSKLÜZİV
Kişi voleybolçulardan ibarət millimizin üzvü Vadim Kutukov 2012-ci ildən şərəfini qoruduğu “Neftçi”dən ayrılıb.
Bu barədə 36 yaşlı voleybolçu özü “Football-plus.az” saytına məlumat verib:
“Artıq bir müddətdi ki, “ağ-qaralar”la yollarımızı xoş şəkildə anlaşaraq ayırdıq. Çox xoşbəxtəm ki, burda çıxış etmişəm. "Neftçi”nin əsas oyunçusu kimi komandanı tərk elədim. Dünən ilk dəfə təşkil olunan çimərlik voleybolu üzrə Avropa Kubokunda çempion olduq. İndi bütün fikrimi çimərlik voleyboluna yönəltmək istəyirəm. Çox güman ki, zal voleyboluna qayıtmayacam”.
Qeyd edək ki, Kutukov dünən “Murov Az Terminal” heyətində Türkiyənin Balıkəsir şəhərində keçirilən çimərlik voleybolu üzrə Avropa Kubokunda çempion olub. Onun komandası finalda Türkiyənin “TVF Spor Lisesi SK Ankara” kollektivinə qalib gələrək qızıl medallara sahib çıxıb.
CAVİD ƏLİYEV
Digər xəbərlər
