Çimərlik voleybolu tarixində ilk dəfə keçirilən Avropa Kubokunda (Beach Volley European Cup) ölkəmizi təmsil edən "Murov Terminal" final matçında Türkiyənin "TVF Spor Lisesi SK Ankara" klubunu 15:10 hesabı ilə məğlub edərək Avropa Kubokunun qalibi olub.

"Football-plus.az" xəbər verir ki, təmsilçimiz çempionluq matçında ev sahibi Türkiyənin "TVF Spor Lisesi SK Ankara" klubu ilə üz-üzə gəlib. Komandalar arasında keçirilən iki oyundan birində ev sahibləri, ikincisində isə komandamız qələbə qazanıb. Kubokun qalibi isə qızıl setdə müəyyənləşib. Burda 15:10 hesabı ilə qalib olan İqor Olefirin kollektivi Avropa Kubokunun sahibi olub.