“İsveçə səfərimiz çox rahat və hansısa problem yaşanmadan bitdi. Planların zamanlamasında gecikməmiz və ya narahatlıq yaşadan nəsə baş vermədi”.

“İsveç sakit və səliqəli ölkədi. Höteborqun insanları çox mədənidi. Bizə qarşı hansısa pis rəftar etmədilər. Hər şey qaydasında keçdi. Bildiyiniz kimi, “Həkken” Höteborqun mərkəzini təmsil etmir. Bu səbəbdən də şəhərin mərkəzində rəqibimizin azarkeşlərinə o qədər də rast gəlmək olmurdu. Şəhərin küçələrində “Həkken”in bayrağını daşıyan, formasını geymiş şəxslə rastlaşmadıq. Bizi sevindirən məqam da oldu. Müxtəlif sahələrdə işləyən milliyyətcə azərbaycanlı olan şəxslərlə qarşılaşdıq. Azarkeşlərimizin də marağı yüksək idi. Hardasa 400-ə yaxın tərəfdarımız onlar üçün ayrılmış sektordan matçı izləyirdi. Amma başqa məqam da var idi. Bizim azarkeşlərimiz təkcə onlar üçün ayrılmış sektorda əyləşməmişdi. İsveçlilərin arasında da xeyli azərbaycanlı var idi. Onlarla da ayaqüstü söhbət etmək imkanımız da oldu. Hətta oyundan sonra bizi təbrik də etdilər. Məni təəccübləndirən çox maraqlı bir hadisə yaşandı. Höteborqun mərkəzində yaşayan yerlilər “Qarabağ”a azarkeşlik edirdilər. Çünki “Həkken” şəhərin öz komandası deyil. İnsanların çoxu “Höteborq” azarkeşləri idi. Onlar “Qarabağ”ın bu görüşdə qələbə qazanacağına inandıqlarını söyləyirdilər. Bu da İsveçdəki komandaların arasında olan rəqabətdən xəbər verir”.