“Şamaxı” üç yeni şirkətlə əməkdaşlıq edir - AÇIQLAMA
1-ci liqanın güclü təmsilçilərindən olan “Şamaxı” növbəti mövsüm premyer-liqaya qayıtmaq istəyir.
“Şirlər” 3 matçdan sonra 7 xalla turnir cədvəlinin lideridi. Bölgə təmsilçisinin ev oyunlarını keçirdiyi Şamaxı şəhər stadionunda “Roedl & Partner”, “NZA Audit”, “Ortodent diş klinikası” kimi şirkətlərin reklamlarını görürük. Bu şirkətlər “Şamaxı”ya sponsorluq edir? Klubun mətbuat katibi Yusif Hüseyn məsələ ilə bağlı “Football-plus.az”a açıqlamasında bunları söylədi:
“Üç şirkətlə əməkdaşlıq edirik. Demək olar ki, onlar bizə xidmətlərini təklif edirlər, biz də reklamlarını stadiondan asmışıq. “Roedl & Partner” hüquqi, “NZA Audit” mühasibatlıq işlərimizi görür. Yenə deyirəm, sponsor deyillər. Sadəcə, qarşılıqlı razılıq əsasında əməkdaşlıq edirik”.
İLKİN SULTANLI
Digər xəbərlər
