Makelele “Çelsi”ni tərk etdi

Klod Makelele “Çelsi”dən ayrılmaq qərarına gəlib.

50 yaşlı mütəxəssis London klubunun akademiyasında texniki direktor vəzifəsində çalışırdı.

Qeyd edək ki, Fransa millisinin sabiq yarımmüdafiəçisi 2003-08-ci illərdə futbolçu kimi “Çelsi”də çıxış edib. O, sosial şəbəkə hesabında klubdan ayrılması ilə bağlı bu cümlələri yazıb: “Dörd məhsuldar ildən sonra “Çelsi” ilə qarşılıqlı razılığa gəldik ki, mənim üçün yeni çağırış axtarmağın vaxtı çatıb. Azarkeşlərə sevgilərinə görə təşəkkür etmək istəyirəm. “Çelsi” həmişə ürəyimin rəngi olacaq”.