“Football-plus.az” xəbər verir ki,UEFA İcraiyyə Komitəsi son iclasında Rusiyanın aşağı yaş qrupları üzrə milli komandalarının neytral statusda – himnsiz və bayraqsız beynəlxalq turnirlərdə iştirakına icazə verib.

Qitə futbol qurumuna üzv olan ölkələrdən Litva, Polşa, Ukrayna, Danimarka, İngiltərə, İsveç və Latviya bu qərara etiraz edib, heç bir halda ruslarla oyuna çıxmayacaqlarını bildiriblər. Görəsən, AFFA-nın bu mövzuda mövqeyi necədi? Milli federasiya da UEFA-nın qərarını boykot edəcəkmi? Bu sualı AFFA-nın mətbuat xidmətinin rəhbəri Elnur Məmədliyə ünvanladıq. Qurum rəsmisi UEFA-nın qərarlarına hörmətlə yanaşdıqlarını və qanun nə tələb edirsə, onu edəcəklərini bildirdi.

KƏNAN BAHADIR