Norveç təmsilçisi "Molde" sabah Avropa Liqasının qrup mərhələsinin 1-ci turunda səfərdə "Qarabağ"la qarşılaşacaq.

"Football-plus.az" xəbər verir ki, sabahkı oyundan əvvəl rəqibin baş məşqçisi Erlinq Moe media nümayəndələrinin önünə çıxıb. 

- "Qarabağ" sizin üçün tanış rəqibdi. Üç il bundan əvvəl də Ağdam təmsilçisi ilə qarşılaşmışdız. O vaxtkı və indiki rəqibinizi necə dəyərləndirərdiniz...
- Deyərdim ki, hər iki komanda inkişaf edib. Tarixləri ilə maraqlanmışam. Çox uğurlu baş məşqçiləri var. "Qarabağ"ı böyük komanda gözündə görürük.

- Üç il əvvəl Bakıya gəlməkdən qorxmuşdunuz. Bəs indi?
- Həmin vaxtı baş verənlərin səbəblərinə baxmaq lazımdı. O vaxt koronavirus pandemiyası var idi və ədalətli qərar matçın neytral meydanda keçirilməsi oldu. Bakıda bir neçə gün keçirməyi planlaşdırırıq. Hava limanından şəhərə gözəl yollarla gəldik. Məncə, ölkənizlə qürur duya bilərsiz. Sabahkı oyuna gəlincə, rəqibdən qorxmuruq. Bu oyunu səbirsizliklə gözləyirik.

- Bir tərəfdə Skandinaviya futbolu, digər tərəfdə tiki-taka. “Qarabağ”ın qarşısını almaq üçün hansı planlarınız var?
- Mənim üçün özünəinam önəmlidi. Nəyisə inkişaf etdirmək istəyirsənsə, inanmlı olmalısan. Sabah özümüz olmağa çalışacağıq. "Qarabağ"la matçda geriyə çəkilib, müdafiə olunaraq əks-hücumlara bel bağlamağı planlaşdırırıq. İstəyirik ki, sabah "Qarabağ"a qarşı rəqabət göstərək. Üstünlüyümüz özümüzün olmağıdı.

- Çempionlar Liqasının pley-off mərhələsində "Qalatasaray"a məğlub oldunuz. Bu komanda ilə "Qarabağ" arasında fərqlər nədi? Və onu da qeyd edək ki, Türkiyə və Azərbaycan qonşu ölkələrdi...
- Əslində çox oxşardılar. Əsas fərq odu ki, "Qalatasaray"da böyük adlar var. "Qarabağ"da isə daha çox birlik var. Böyük klub olmağın funtamentidi.

- Komandanın əsas simalarından Martin Linnes bu matçda olmayacaq. Sizcə, bu itki müdafiə xətti problemli olacaqmı? Və onun yerini dolduracaq ad varmı?
- Biz bir futbolçunun üzərində oyun qurmuruq. Komandamızda yaxşı oyunçular var. Bunun problem olacağını düşünmürəm.

CAVİD ƏLİYEV