Leonardo Bonuççi ilə “Yuventus” arasında qalmaqal davam edir.

"Football-plus.az" xəbər verir ki, avqustda “Union” ilə anlaşan təcrübəli futbolçu sabiq klubunu heç cür bağışlaya bilmir.

36 yaşlı müdafiəçi “Yuventus”un onu əsas komandadan heç bir səbəb göstərmədən uzaqlaşdırmasına görə klubu məhkəməyə verməyi düşünür. Tanınmış jurnalist Canluka Di Martsionun yaydığı xəbərə görə, Bonuççi “Yuventus” rəhbərliyinin bu qərarı ilə onun peşəkar karyerasına və imicinə zərbə vurduğunu düşünür. AÇ-2020-in çempionunun təzminat tələbi ilə çıxış edəcəyi və bunu əldə edəcəyi halda xeyriyyə məqsədi ilə xərcləyəcəyi də bildirilir.