"Səmimi deyim ki, son vaxtlar Ayaz Quliyevin çıxışını izləməmişəm. Amma bilirəm ki, bir müddətdi oynamır. Bu üzdən onun hazırda nəinki yığmanı, hətta "Sabah"ı da gücləndirməsi sual altındadı. Hər şeyi tezliklə meydanda görəcəyik".

"Ümumilikdə “milliləşdirməyə” pis baxmıram. Amma burda iki nüans var: “milliləşdirilən” futbolçu yerlilərdən üstün, pasport verdiyimiz futbolçu maksimum Azərbaycan əsilli olsun. Sadəcə, son 15 ildə hər yoldan keçəni, əsasən da Almaniya türklərini, Türkiyənin özündə 4-5-ci dərəcəli futbolçuları pasport verməklə yığmamıza sırıdılar. Nəticədə yığmanı da dəyərsizləşdirdilər. Odu ki, Ayaz Quliyevin bir azərbaycanlı kimi ölkə futboluna qazandırılmasını dəstəkləyirəm. Düşünürəm ki, Rusiyadakı karyerasında qazandığı təcrübə ilə bizə kömək edəcək. Onun “milliləşdirilməsi” ən çox "Sabah"a fayda verəcək. Necə ki Almeyda ilə Ozobiçin Azərbaycan pasportu daşıması öz klublarında faydalıdı. Ayazın premyer-liqamızda zamanla özünü yaxşı tərəfdən göstərməklə yığmamıza layiq olduğunu sübut edəcəyinə inanıram".