"Qarabağ" Ovusunu qaytarır?
Son günlər "Qarabağ"ın adı transfer məsələlərində tez-tez hallanır.
İndi də "köhlən atlar"ın sabiq üzvü Kvabena Ovusunu geri qaytaracağı deyilir. Gəzən şayiələrə görə, ağdamlılar qanalını "Ferentsvaroş"dan icarəyə götürəcək. Belə xəbərlərin çıxmasının səbəbkarı Ovusu özüdü. Hücumçu tezəlikcə "Qarabağ"ın bazasında olduğu köhnə fotosunu paylaşıb. Bu səbəbdən də ictimaiyyətdə belə fikir formalışıb ki, Ovusu qayıdır.
Məsələ ilə bağlı klubun rəsmi mövqeyini öyrəndik. "Qarabağ"ın mətbuat xidmətinin əməkdaşı Elvar Quliyev "Football-plus.az"a açıqlamasında bunları söylədi:
"Bizim bir çox sabiq futbolçumuz belə şeylər etməyi xoşlayırlar. Gerye də tez-tez belə addımlar atır. Nostaljiyə qapılırlar. Keçmiş günlərlə bağlı paylaşımlar edirlər. Yəqin ki, Ovusunun da nəsə yadına düşüb. Bu səbəbdən də Bakıdan şəkil, "Qarabağ"da vurduğu qolları paylaşıb. Amma rəsmi olaraq nəsə yoxdu. Onun "Qarabağ"a qayıtması gündəmdə deyil. Sadəcə, Ovusu paylaşım edib, vəssalam!"
İLKİN SULTANLI
Digər xəbərlər
