“Bundan əvvəl “Jelezniçar”ın baş məşqçisi Nermin Başiç “Neftçi”yə məğlubiyyətdən sonra mətbuat konfrasında iştirak etmədi və yerinə kapitanı göndərdi. Səbəb kimi də göstərdi ki, başı ağrıyır. Bizim jurnalistlər da haqlı şəkildə baş məşqçinin gəlməsini istəmişdi. Oyunöncəsi konfransda iştirak etməsəydi, başa düşərdik, lakin oyundan sonra mütəxəssisin iştirakı vacibdi. Baş məşqçi gəlmirsə, başağrısını səbəb göstərisə, bu artıq jurnalistlərə hörmətsizlikdi. İndiyə kimi mənə də maraqlıdı ki, bizim həmkarlar niyə rəqibin konfransına qalmayıblar? Çünki bir neçə dəfə şahidi olmuşam ki, bəzi saytların əməkdaşları konfransda iştirak etməyib və orda iştirak edən “Futbol+”dən bir əməkdaşdan və ya digər həmkarlardan materialı alıb yazıblar. Bizim jurnalistlər bu konfransda iştirak etməyiblərsə, peşəkarlığa sığmayan addımdı. Həm də rəqibin baş məşqçisinə hörmətsizlikdi. Lakin dünən sözügedən konfransa bir neçə həmkar qalıb. Ancaq mətbuat konfransı baş tutmayıb. 2-3 jurnalist də qalsa, çalışdırıcı konfransda iştirak etməlidi. Artıq burda rəqib tərəfdən də bizə qarşı hörmətsizlik olub. Baş məşqçilərinin mətbuat konfransları arasında zaman uzundu. Bəs biz jurnalisitlər həmin vaxt ərzində orda nə edək? Bax, bu da adamın beynində sual yaradır”.

“Jurnalist oxucusuna rəqibin fikirlərini də çatdırmalıdı. Sadəcə, mən məsələyə başqa cür yanaşmaq istəyirəm. Dünən mətbuat konfrasında az sayda olsa da, jurnalist var idi. Lakin bizim baş məşqçilərin səfərdəki mətbuat konfransına əcnəbi həmkarlar dəfələrlərlə gəlməyiblər. Hətta həmin konfransların birində 5 azərbaycanlı jurnalist də iştirak edirdi. Bir də mənim diqqətimi çəkən bir məqam oldu. Adətən, öyrəşmişik ki, əvvəlcə mətbuat konfransı, ardından ilk 15 dəqiqəsi açıq olmaq şərti ilə komandanın məşqi keçirilir. Lakin mən ilk dəfə şahid oldum ki, əvvəlcə məşq başlayır, daha sonra mətbuat konfransı nəzərdə tutulur. Bu da aradakı zamanı uzatmış olur. “Olimpiya” Çempionlar Liqasının pley-offunda oynasaydı, Joao Enrike mətbuat konfransında iştirak edəcəkdi. Çünki bunu UEFA təşkil edir və klubun konfransı ləğv etmək hüququ olmur. Üç nüansı vurğulamaq istəyirəm. Birincisi, əvvəlki mərhələdə - HİK-lə qarşılaşmada da rəqibin baş məşqçisi nə oyundan əvvəl, nə də sonra mətbuat konfrasına qatıldı. İkinci məqam: yadınızdadısa, “Dinamo” (Minsk) – “Jelezniçar” oyunu “Azərsun Arena”da keçiriləndə hər iki tərəfdən jurnalist gəlməmişdi. Biz isə oyundan sonra rəqib baş məşqçilərin mətbuat konfransında iştirak etdik. Üçüncü və sonuncu məqam budu ki, ötən mövsüm “Sabah” ilk səfər matçı üçün Şamaxıya yollanmışdı. Ordakı oyundan sonra mətbuat konfransında iştirak edən yeganə jurnlaist mən idim. Hətta Murad Musayev də məndən soruşdu ki, elə ikimiz olacağıq? Mən isə ona tək olacağımı dedim. Daha sonra da suallarımı rusiyalı mütəxəssisə ünvanlamışdım”.