"Mən hazırda istirahətdəyəm. Xahiş edirəm ki, bunu nəzərə alasız. Nə həmin verilişə baxmışam, nə də bilmirəm kim nədən danışır. Futboldan danışmaq istəmirəm. Buna haqqım da var".

"Bu gün ölkəmizdə hüquq-mühafizə orqanları üzərinə düşən vəzifələri layiqincə yerinə yetirir. Tərlan Əhmədovun dediyi kimi belə problemi və bu, "Kəpəz" ilə bağlı olubsa, klubun bundan xəbəri olardı. Bu, Tərlan Əhmədovun şəxsi işləri ilə bağlı da ola bilər. Dəqiq bilmirik. Həyatına təhlükə hiss edirdisə, hər halda, vaxtında özü polisə müraciət etməliydi. Və ya klub rəhbərliyinə məlumat verə bilərdi".

“Mənə Tərlanın həmin çıxışı haqda məlumat veriblər. O bildirir ki, Gəncədə Abbas Səhhət xəstənasına MRT üçün gedəndə həkim ordan məni qovub. Guya mən Tərlanın arxasınca danışmışam. Allah şahiddi ki, yanımda Samir Məhərrəmli də var idi. İstəsəz, ondan da soruşa bilərsiz. Bizi orda çox yaxşı qarşıladılar. Hətta mən gəldiyim üçün çay süfrəsi açdılar. Sadəcə, mənim problemim dizimdə idi. Orda mənə dedilər ki, sənin budunu MRT-yə sala bilərik, dizə baxa bilməyəcəyik. Mən də razı olmadım. Tərlan isə özündən Amerika kəşf eləyir. Mən onun kimi düşük deyiləm ki, 5 manat görən kimi kiminsə qucağına qaçım. O həkimi də, Tərlanı da gətirin, üzləşək, görək məni ordan kimi qovub. Birincisi, heç kim məni hardansa qova bilməz. Mən qovulacağım yerə də getmərəm. Tərlan mənə qarşı kişilik eləmədi. Klubda olanda pul yığırdı, mənə sifət eləyirdi. Mən “Kəpəz”ə gələndə bilirdim ki, bu belə tipdə adamdı. Ona dedim ki, ay Tərlan, mənə dəymə. Yayda karyeramı bitirəcəm, gəl hörmətli şəkildə ayrılaq. Nə kömək lazımsa, eləməyə də hazıram, amma mənlə işin olmasın. Lakin gördüm ki, bu gic-gic hərəkət eləməyə davam edir. Ötən mövsüm “Turan Tovuz”la oyundan əvvəl mənim məşqə gəlmədiyimi deyir. Bunun səbəbkarı da Tərlan idi. Mənə özümdən yaşda balaca, müraciət edəndə “əmi” deyən futbolçuların yanında söz deyir. O kimdi ki, mənə belə sözlər desin, ağzını cıraram. Tərlandan da qorxmuram. Hər yerdə də onun haqqında danışmışam. Mən pula, futbola görə heç vaxt kiminsə qabağında əyilmərəm. Biz futbola görə bu həyatı yaşamırıq. Bu gün varsan, sabah yoxsan. Tərlana 40 nəfərin içində sözümü də dedim. Gedin o oyunçuların hamsından soruşun ki, Tərlan Əfrana cavab verə bildi? Verə də bilməz. Çünki bilirdi ki, səhvdi. Məşqdə oyunçunu təhqir etdiyimi deyir. Bəli, belə bir şey olub. Heç bir legionerin başı üçün deyil ki, gəlib mənim ölkəmdə bizim gənc uşaqların üstünə qışqırsın, xod eləsin, nəsə öyrətməyə çalışsın. Komandanın baş məşqçisi, mən olan yerdə legioner futbolçu kimdi ki? Tərlan həmin gürcüstanlı oyunçu ilə işbirliyi apardığı üçün ona nəsə demirdi. Qaçırdı legionerlərin üstünə. İndiyə qədər Erqemlidze də Tərlanı tərifləyir. Mən də ağsaqqal kimi futbolçuya dedim ki, bura gəlmisənsə, ağıllı ol, başını aşağı sal, futbolunu oyna. Heç kim mənim Azərbaycanımda yerli futbolçulara söz deyə bilməz. “Bakı”da çıxış etdiyim vaxt Mindauqas Kalonas da Namik Ələskərovun üstünə xod eləmək istəyirdi. Onunla orda davam olmuşdu. Yerli oyunçu haqlı olan yerdə niyə legioner belə eləməlidi…”

“İlqar Nadirinin toyundan əvvəl Tərlan futbolçulara dedi ki, onsuz da İlqar Nadirinin çoxlu pulu var. Pula da ehtiyacı yoxdu. Gəlin 50 manatdan onun toyu üçün pul yığaq. Mən dedim ki, özünü səviyyəsiz aparma. Lap çoxlu pulu olsun. Bu adam toy edirsə, deməli, çətinliyi də qabaqdadı. Sabah biz də xeyir iş edəndə hörmət eləyib toya gəlsinlər. Hətta Yusif Nəbiyev və bir neçə futbolçu mənə dedilər ki, Əfran, bu niyə belə edir? Biz nə edək? Mən də onlara dedim ki, özünüz bilərsiz. Mən onun dediyini etməyəcəm. Tərlan isə uşaqlardan yığdığı pulu toya atdı. Mən də Tərlana dedim ki, özüm atacam pulu. O da dedi ki, özün bilərsən. 200-300 manatlıq masa üçün 50 manatdan yığmaq nədi? Sadəcə, mən onun səviyyəsini düşmək istəmirəm. O adam səviyyəsizin biridi. Hamı məni də tanıyır, Tərlanı da. Onun məşqçiliyinə söz deyə bilmərəm. Həmişə demişəm ki, Azərbaycan ən yaxşı iki-üç mütəxəssisdən biri Tərlandı. Düşüklük etməsə, özünü yaxşı aparsa, hər yerdə rahat işləyə bilər”.