"Qarabağ" səfərdə üstün oynayaraq qapısını toxunulmaz saxlamaq şərtiylə 2 qol vurub cavab görüşü üçün yaxşı nəticə qazandı. Ağdam təmsilçisinin həmçinin rəqibi daha yaxşı təhlil etdiyi qənaətindəyəm. "Olimpiya" o halda “Qarabağ”ı üstələyib mərhələ keçə bilər ki, ağdamlılar səfər qələbəsindən çox arxayın olsunlar və meydana əl-qolunu sallayaraq çıxsınlar. Bu da inandırıcı deyil. Zatən biz illərdi "köhlən atlar"da avro kuboklarda ilk matçda qazanılan qələbədən sonra arxayınlıq müşahidə etmirik. Əksinə, onlar cavab oyunlarında daha istəkli, aqressiv olurlar. Odu ki, "Qarabağ" üstünlüyünü əldən verməyəcək".