“Real” aparıcı oyunçularından birini müəyyən müddətə itirsə də, yeni futbolçu almayacaq.

"Football-plus.az" xəbər verir ki, komandanın vingeri Vinisius Junior La Liqanın 3-cü turunun “Selta” ilə oyununda (1:0) zədələnmişdi. Müayinə nəticəsində əzələsi ciddi şəkildə dartılan braziliyalı hücumçunun təxminən ayyarım futbol oynaya bilməyəcəyi məlum olmuşdu. Junior klubun La Liqada 5, Çempionlar Liqasında 1, Braziliya millisinin isə sentyabrda keçirəcəyi 2 oyununu buraxacaq. Buna baxmayaraq, “Real” rəhbərliyi onun əvəzinə yeni futbolçu almağı vacib saymayıb. Məşqçilər korpusunun ümumi rəyinə əsasən, qarşıdakı oyunlarda Vinisiusu bir neçə oyundaşı layiqincə əvəzləyə bilər.