Cümə axşamı Avropa Liqasının pley-offunun cavab matçında “Olimpiya” ilə qarşılaşacaq “Qarabağ” ciddi itki ilə üzləşib.

“Football-plus.az”a daxil olan məlumata görə, Ağdam təmsilçisinin heyətində yeni transfer Patrik Andrade zədələnib.

Futbolçu Avropa Liqasının 3-cü təsnifat mərhələsində HİK-lə cavab matçının 87-ci dəqiqəsində Yassin Benzyanı əvəz etmişdi. Həmin görüşdə afrikalı yarımmüdafiəçinin qasıq nahiyəsində gərilmə olub. O vaxtdan bəri müalicə alan futbolçu qısa müddətdən sonra komandanın düşərgəsinə qoşulacaq. Qasıq nahiyəsi həssas bölgə olduğu üçün həkimlər onun məşqlərdə iştirakına icazə verməyib. Andradenin müalicəsi davam edir. Oyunçunun tezliklə sağalacağı güman olunur.

İLKİN SULTANLI