Türkiyə çempionatında çıxış edən ''Konyaspor'' son transferi ilə diqqət çəkib.

"Football-plus.az" xəbər verir ki, Konya təmsilçisi təcrübəli fransalı dayaq yarımmüdafiəçisi Stiven Nzonzini heyətinə qatıb.

34 yaşlı futbolçu ilə birillik müqavilə imzalanıb. Daha öncə ''Blekbern'', ''Stok Siti'', ''Sevilya'', ''Roma'' və ''Renn''də çıxış edən Nzonzi Türkiyədə də oynayıb. O, 2019/20 mövsümünü ''Qalatasaray''da keçirib. Tanınmış futbolçu 2021-dən bu yana Qətər təmsilçisi ''Əl-Rayyan''ın uğurları üçün tər tökürdü.

Geridə qoyduğumuz mövsüm Nzonzi 24 oyuna çıxaraq 1 qol, 2 məhsuldar ötürmə ilə yadda qalmışdı. Təcrübəli yarımmüdafiəçi həm də Fransa yığmasının heyətində DÇ-2018-in qalibi olub.

ƏLİ