Bir çox məşhur futbolçudan sonra Məhəmməd Salah da Səudiyyə Ərəbistanında top qova bilər.

"Football-plus.az" xəbər verir ki, “Əl-İttihad” rəhbərliyi “Liverpul”un aparıcı oyunçusu üçün 90 milyon avrodan çox ödəməyə hazırdı.

Ciddə klubu 31 yaşlı hücumçunu çoxdan hədəfə alıb və onun üçün mübarizəni davam etdirir . “Əl-İttihad”ın başbilənləri yeni təklifin Salahın komandadan ayrılmasını istəməyən baş məşqçi Yürgen Kloppun mövqeyini dəyişəcəyinə ümid edirlər. Bir müddət əvvəl misirli hücumçunun yeni klubunda iki ilə 180 milyon avro qazana biləcəyi haqda xəbər yayılmışdı. “Liverpul” asiyalıların yeni şərtləri ilə razılaşacağı halda bu keçid Səudiyyə Ərəbistanı futbolu tarixinə (bonuslar nəzərə alınmamaqla) ən bahalı transfer kimi düşəcək.

Məhəmməd hazırkı komandasında 2017-ci ildən çıxış edir. Maraqlıdı, “Əl-İttihad”ın yeni təklifi transferin reallaşmasına necə təsir edəcək?