“Şahin həm yerli, həm də təcrübəli qapıçı kimi bizə fayda verəcək”
Yeni mövsümdən elitada çıxış edən "Araz-Naxçıvan" heyətindəki qapıçıların çoxluğu nəzərə alaraq Şahin Zəkiyevi icarəyə verib.
"Əlcək sahibi” növbəti mövsümü 1-ci liqaya qayıdan və yüksək yerlər uğrunda oynayacaq "Karvan"da keçirəcək. Yevlax təmsilçisinin baş məşqçisi Kənan Kərimov qolkiperin keçidi ilə bağlı "Football-plus.az" saytına bunları dedi:
"Çoxdan qapıçı axtarışındaydıq. Şahini çoxdan sıralarımıza qatmaq istəyirdik. Sadəcə, müəyyən səbəblərə görə iş uzandı. Bildiyiniz kimi, məqsədimiz 1-ci liqada yuxarı yerlər uğrunda oynamaq və uğur qazanmaqdı. Ona görə də bizə təcrübəli qolkiper lazım idi. Düşünürəm ki, Şahin həm yerli, həm də təcrübəli qapıçı kimi bizə fayda verəcək".
Təcrübəli mütəxəssis dünən "Araz Saatlı"ya 4:1 hesabıyla qalib gəldikləri oyun haqda da danışdı:
"Növbəti yoxlama görüşümüzü keçirdik. Qələbə qazansaq da, hələ komandamdan tam razı deyiləm. Yetirmələrim ilk yarıda istədiklərimi yerinə yetirmədilər, yəni zəif çıxış etdilər. Amma fasilədən sonra daha yaxşı çıxış etdilər. İstənilən halda görüləcək iş çoxdu".
ABDULLA İSMAYILOĞLU
Digər xəbərlər
