Harri Keynin “Bavariya”ya transferi ilə bağlı aylardı davam edən müzakirələr fonunda bəzən çox qəribə bir sual da səslənirdi.

“Football-plus.az” xəbər verir ki, məsələn, İngiltərənin ən məşhur ekspertlərindən biri Qari Nevill cəmi bir neçə gün əvvəl belə demişdi:

Nə qədər ki Nevill şokdadı, Şirer isə bu gedişi bayram edir, Harrinin bombardirlər yarışında Alandan nə qədər uzaq olduğunu xatırlayaq. Bəs onun yeni rekord müəyyənləşdirmək şansı qalırmı, Almaniyada vaxt itirəndən sonra premyer-liqaya dönərsə, belə imkanı olacaqmı?

Hazırda premyer-liqanın bombardirləri sıyahısında vəziyyət belədi: 1. Alan Şirer – 260, 2. Harri Keyn - 213 qol. Deməli, mütləq rekord müəyyənləşdirmək üçün Keyn daha 48 qol vurmalıdı.

Bəs “Nyukasl”ın əfsanəsinə rekorda çatmaq üçün nə qədər vaxt lazım olub? Keyn qol sayında onun qrafikindən geri qalırmı?

Şirer premyer-liqada 22 yaşını tamamlayandan iki gün sonra debüt edib. Keyn top-karyerasına başlayan anda ondan ilyarım kiçik olub. Şirer artıq ilk oyunda dubl edibsə, Keynə qol hesabını açmaq üçün az qala iki il lazım gəlib. Yalnız premyer-liqada keçirdiyi ikinci mövsümün aprelində fərqlənib. Ancaq həm “Tottenhem”də, həm də “Norviç”də çox az oyun vaxtı qazandığını nəzərə alsaq, belə durum anlaşılandı.

Keyn 100 qol həddinə çatmaq üçün 150 oyun keçirməli olub, Şirer isə cəmi 123-cü oyunda ilk zirvəni fəth edib. Keyn ötən ilin fevralında 200 qol həddinə çatıb. Bununla da, demək olar ki, Şirerin qrafikini yaxalayıb. “Nyukasl”ın ulduzu 200 qolu 306, Şirer 315 oyunda vurub. Mayda isə Keyn Şirerə daha 13 qol yaxınlaşıb.

Sadə bir riyazi hesablama aparaq. Keyn karyerasında orta tempi (hər oyunda 0,64 qol) qorusaydı, 75 oyundan və ya 2,5 mövsümdən sonr qol sayında liderliyə yüksələcəkdi. Əlbəttə, bu bir qədər kobud proqnozdu, axı hər birimiz gözəl anlayırıq ki, hər şey komandaadan, futbolçunun idman formasından və sağlıq durumundan asılıdı. Ancaq Almaniyaya yollanmaq rekorddan imtina etmək anlamına gəlirmi? Əslində belə demək olmaz. Məsələn, Keyn “Bavariya” ilə dördillik müqavilə müddətini başa vurandan və Çempionlar Liqasının qalibi olandan sonra premyer-liqaya qayıdarsa, yaşı 34 olacaq. Bildiyiniz kimi, Şirer 35,5 yaşına qədər qol vurmağa davam edib. Keyn karyerasını heç də ondan tez bitirməyi planlaşdırmır. Ancaq o məqama da diqqət yetirək ki, “Nyukasl”ın forvardı son mövsümdə qol sürətini xeyli yavaşıtmışdı. Keynlə bağlı necə olacağını isə o heç özü də bilmir. Aydın olan isə budu: onun “Bavariya”ya uzunmüddətli ezamiyyətə yollanmasına rəğmən, yeni rekord müəyyənləşdirmək üçün yetərincə vaxtı var. Ancaq...

Belə görünür ki, premyer-liqa rekorduna daha bir iddiaçı var. Şirerlə Keynin premyer-liqadakı ilk 37 oyununu xatırlayaq və bu siyahıya daha bir personajı əlavə edək. Əlbəttə, bir mövsüm hələ göstərici deyil, ancaq “Mançester Siti”nin forvardı Erlinq Holannın tempini də gözardı etməyək. O, premyer-liqada, demək olar ki, Şirerin yaşında debüt etdi, amma startda qol sayına görə həm “Nyukasl”ın, həm də “Tottenhem”in əfsanəsini arxad qoydu. Şirer ilk 37 oyunda 29, Keyn 6 qol vurmuşdusa, Holannda bu göstərici 38-ə çatıb.

Norveçlinin hər oyuna 1 qol ilə xarakterizə olunan indiki tempi fantastikdi. Holann bu tempi davam etdirərsə, Şirerə cəmi 6-7 mövsüm ərzində çatar, hardasa 30 yaşı olanda. Keynə, ümumiyyətlə, 5 mövsüm ərzində.

Real dünyaya qayıdanda görürük ki, Holann 4 mövsüm ərzində gözləniləndən daha çox qol vurub. Lap tutaq ki, onun göstəricisi bir qədər aşağı enə bilər. Bilərəkdən Erlinqin hər oyun üçün orta qol sayını 0,71-ə endiririk. Nəticə belə alınır ki, norveçliyə yeni rekord müəyyənləşdirmək üçün ümumilikdə 314 oyun lazımdı. Zədələri və cəzaları nəzərə almadan 8 mövsümdən artıq edir. Çətin ki, norveçli karyerasına məcburi fasilələrsiz davam edə bilə. Bu üzdən ən real proqnoz Holannın Şirerə 33-34 yaşında çatmasıdı. Təbii ki, o vaxta qədər premyer-liqada qalarsa. Və həm də Keyn İngiltərəyə dönüb yeni rekord müəyyənləşdirməzsə.