"Ötən oyunda səfərə 10 azarkeş aparılmışdı. Latviyada isə bu ölkədə yaşayan həmvətənlərimiz də onlara qoşulmuşdu. 100-dən çox soydaşımız komandamıza stadiondan dəstək verdi. Belqrada burdan azarkeş aparılmasa da, səfərdə azarkeş dəstəyinin olması gözlənilir. Belə ki, Serbiyada yaşayan soydaşlarımız klubumuza müraciət edərək oyunumuza gəlmək istədiklərini bildiriblər. Lakin hələ ki konkret say bəlli deyil. Çox güman, komandamıza nə qədər tamaşaçının dəstək verəcəyi oyun günü bəlli olacaq. Oyunu ölkəmizdə yayınlayacaq İctimai TV-nin şərhçisi və əməkdaşı bizimlə birlikdə səfər edəcək. Səfər oyunlarına daha çox media nümayəndəsinin aparılması məsələsinə gələcəkdə baxıla bilər".