Bu gün "Beşiktaş"ın çalışdırıcısı Şenol Günəş və futbolçusu Salih Uçan mətbuat konfransı keçirdi.

Salihin oyunla bağlı fikirləri:

Günəş sözə belə başladı:


- Türkiyə klubları avrokuboklarda özlərindən zəif komandalara qarşılaşanda yuxarıdan aşağı baxır və bunun çətinliyini meydanda görürlər. Bu oyunlarda belə hal gözlənilir?
- Cəsur olmaqla başqalarına yuxarıdan aşağı baxmaq, yaşamaq fərqlidi. İnsanlar dəyərlidi, futbolçular da. Hər rəqib ciddidi. Maliyyə, baza, şərait baxımından fərqli ola bilərlər. İmkansızlıqlar içində uğurlu olan komandalar və futbolçular var. Hər matç önəmlidi. Yuxarıdan aşağı baxmaq insani cəhətdən doğru deyil. İnsanın şöhrəti, pulu onun dəyərli olduğunu göstərməz. Sizdən daha güclü komandaya qalib gələ bilərsiz. Hər komanda ən yaxşısını etməyə çalışır. Futbolda zaman-zaman sürprizlər sizi bu düşüncəyə sövq edə bilər. Azərbaycanda futbol keçmişə görə çox inkişaf edib. Şərait, imkanlar yaxşıdı. "Neftçi"nin 9 çempionluğu, 7 kuboku var. "Qarabağ" da var, "Sabah" da yaxşıdı. Azərbaycanın üç komandası Konfrans Liqasında oynayır. Futbol olaraq yatırımları da, iddiaları da üstün səviyyədədi. Bəzən elə nəticələr qeydə alındı ki, bunu hər kəs sürpriz kimi gördü. Amma "Qarabağ" bunu həmişə etdi. Biz qardaş ölkə olsaq da, meydana qələbə qazanmaq üçün çıxacağıq.

- Azərbaycanda "Beşiktaş" fanatları çoxluq təşkil edir. Onlara nə demək istəyərdiz?
- "Beşiktaş"ın burda da çox azarkeşi var. "Sabah"la əla dostluq matçımız alındı. Burdakı qardaşlarımız, "Beşiktaş" azarkeşləri yanımızda oldu. Bura gələn heyət ən yaxşı heyətimizdi. Azarkeşlərin dostluq çərçivəsində matç izləmələrini istəyirəm. Tiranada nələr olduğunu gördüz. Partlayıcı maddələrin aradan qalxması lazımdı. Bu gün hava limanına gələnlər oldu. Sağ olsunlar. Partlayıcı maddələr ziyandı, azarkeşlərə satırlar. Bu, doğru deyil. Görüntü olaraq gözəl görünə bilər. Amma gözəl deyil. Azarkeşlərin təbəssümü fişənglərdən, partlayıcı maddələrdən yaxşıdı. Fanatlara layiq komanda olmaq üçün çalışırıq. Digər davranışlardan, şiddətdən uzaq olmalarını istəyirəm. Bakıda olmayacağını düşünürəm. Çünki qardaş ölkələrin komandaları qarşılaşır.

- "Tirana" ilə matçdan fərqli heyətdə dəyişikliklər olacaq? Ante Rebiç sabah oynayacaq?
- Cenk Tosun məşqlərə qatılır, amma bura gətirmədik. Rəşid Gezzel məşqlərə başlamayıb. Masuaku da cəzalı olduğu üçün gəlmədi. Heyətlə bağlı sabah qərar verəcəyik. Hamının oynamaq şansı var. Ən yaxşı heyəti quracağıq.

- "Neftçi"ni təhlil etdiz. Sizcə, ən çox təhlükə hansı oyunçudan gələ bilər?
- "Neftçi" bu mövsüm öz liqasında heyəti ən dəyərli olan komandadı. "Qarabağ"dan da futbolçu aldılar. Adrian Mutu onları çalışdırır. Bu mövsüm üçün iddialı komanda yaradıblar. Oyunları da yaxşıdı. Son matçlarına baxdıq. Bu futboldu və bəzən gözlənilməz nəticələr olur. "Tirana"dan daha yaxşı komanda ilə qarşılaşacağımızı bilirəm. Güclü rəqiblə oynayacağıq. "Neftçi"nin heyətində Kilan Lebon, Filip Ozobiç, Emin Mahmudov, Eddi İsrafilov kimi önəmli oyunçular var. Bütün futbolçuları istedadlı və yaxşıdı. İstedadlı da olsan, meydanda nə verə bildiyin önəmlidi. Ümid edirəm ki, hər bir futbolçu öz səviyyəsində oynayar və yaxşı matç olar.

- İndiyə kimi adınız Azərbaycan yığması və klublar ilə çox hallandı. Təkliflər olmuşdumu?
- 2000-ci illərin əvvəlində təklif almışdım. Amma mən dəyişiklik edən deyiləm. Azərbaycanda olmaqdan şadam. Hazırda həyatımda elə bir layihə yoxdu. Ancaq keçmişdə təklif olmuşdu. İndi olmayan bir şey haqda danışmaq istəmirəm. "Beşiktaş"dan, camiədən çox məmmunam. Türkiyədən məşqçilər bura gələ bilər, futbolçular ora gedə bilər. İsti münasibətlər, həm də qarşılıqlı əməkdaşlıq ilə futbolu inkişaf etdirə bilərik. Sadəcə, bir az addım atmaq lazımdı.

- Büdcə, təcrübə və yerli çempionat baxımından "Beşiktaş" irəlidədi, siz favorit sayılırsız. Bəs "Neftçi"nin üstünlüyü nədədi?
- Sabahkı oyunda qalib gəlmək üçün "Neftçi"nin zəif tərəflərini təhlil edirəm. Onlar da bizim zəif cəhətlərimizə baxırlar. Sadəcə, oyuna yaxşı köklənməliyik. Hər iki komanda istəkli olacaq.

CAVİD ƏLİYEV