Konfrans Liqasının (KL) 2023/24 mövsümünün startı iyulun 25-də verilən 2-ci təsnifat mərhələsinə cümə axşamı yekun vuruldu. Avqustun 3-də 45 cavab oyunu keçirildi.

Qeyd edək ki, UEFA-nın əmsallar cədvəlində reytinqi nisbətən yüksək olan ölkəmizin KL-dəki hər üç təmsilçisi mübarizəyə 2-ci təsnifat mərhələsindən başladı. Bu mərhələ komandalarımız üçün ümumilikdə qənaətbəxş alındı. Latviyada RFŞ-yə iki cavabsız qolla qalib gələn “Sabah” bu rəqibi Bakıda 2:1 hesabıyla üstələməklə avrokuboklardakı debüt mövsümündə ilk dəfə mərhələ adladı. Bosniya və Hersoqovinada “Jelezniçar”la 2:2 hesablı heç-heçəyə nail olan “Neftçi” evdə iki cavabsız qolla qalib gələrək 3-cü təsnifat mərhələsində oynamaq hüququ qazandı. Təəssüf ki, “Qəbələ” öz meydanında uduzduğu (2:3) “Omoniya”ya Cənubi Kiprdə də məğlub olaraq (1:4) mübarizəni erkən dayandırdı. Başqa sözlə, bu mərhələdə üç komandamızdan ikisi uğurlu nəticə göstərdi.

Ümumiyyətlə, 2-ci təsnifat mərhələsi postsovet məkanı üçün heç də yaxşı nəticələnmədi. Bu mərhələdə sabiq SSRİ-yə daxil olan 9 ölkədən 24 komanda iştirak etdi. Bu məkandan olan klublardan yalnız 9-u növbəti mərhələyə adladı. Ən yaxşı göstəriciyə ölkəmiz və Qazaxıstan nail oldu: hər iki ölkədən olan üç komandadan ikisi mübarizəni davam etdirmək hüququ qazandı. Növbəti mərhələdə Latviyanın da iki təmsilçisi olacaq. Fərq ondadı ki, Baltikyanı ölkə 2-ci seçmə mərhələdə 4 klubla iştirak edirdi. Bu sayda komandaya malik olan Ermənistanın yalnız bir təmsilçisi rəqibini mübarizədən kənarlaşdıra bildi. Gürcüstan və Belarus da növbəti mərhələdə bir komanda ilə təmsil olunacaq. Ukraynanın bir, Moldova və Litvanın isə hər iki klubunun uğursuzluğa düçar olduğunu da qeyd edək.

2-ci təsnifat mərhələsi, cavab oyunları
SABAH - RFŞ (Latviya) 2:1 (ilk oyun - 2:0)
Mikels, 77. Apeh, 90+4 – İkaunieks, 67.
Omoniya (Cənubi Kipr) - QƏBƏLƏ 4:1 (3:2)
Bezus, 5; 30-p. Lanq, 38. Kulibali, 59 – Ayzaya, 56.
NEFTÇİ - Jelezniçar (Bosniya və Hersoqovina) 2:0 (2:2)
Sayef, 20. İsrafilov, 68.
Tobol (Qazaxıstan) - Bazel (İsveçrə) 1:2 (3:1)
Deble, 43-p. - Kade, 26. Ogüsten, 32-p.
Pünik (Ermənistan) - Kalmar (İsveç) 2:1 (2:1)
Daşyan, 75. O.Arutyunyan, 77 - Rayoviç, 88.
Spartak (Slovakiya) - Auda (Latviya) 4:1 (1:1)
Daniel, 36. Curiçin, 38. Ştetina, 45+1. Prohazka, 75 - Açol, 88.
FK Santa Koloma (Andorra) - Sutyeska (Monteneqro) 3:0, əlavə vaxtda (0:2)
Mourelo, 35. Nyerqa, 71. Qarrido, 96.
Aktobe (Qazaxıstan) - Torpedo (Gürcüstan) 1:2 (4:1)
Samorodov, 35 - Arabidze, 58. Buqridze, 66.
Dinamo (Tiflis, Gürcüstan) - Hamrun Spartans (Malta) 0:1 (1:2)
Curanoviç, 45+2.
Urartu (Ermənistan) - Farul (Rumıniya) 2:3 (2:3)
Antvi, 11. Sabua, 47 – Nedelku, 53. Alibek, 57; 90+2.
Panevejis (Litva) - Hapoel (Beer Şeva, İsrail) 1:1 (0:1)
Mbo, 79 – Migel Vitor, 53.
Kauno Jalgiris (Litva) - Lex (Polşa) 1:2 (1:3)
Uzela, 90+6 - Marhvinski, 14. Ba Lua, 90+2.
KuPS (Finlandiya) - Derri Siti (Şimali İrlandiya) 3:3 (1:2)
Tuominen, 24. Savolaynen, 44; 58 – K.Kevanah, 13. Dialo, 55. Daffi, 69.
Poqon (Polşa) - Linfild (Şimali İrlandiya) 3:2 (5:2)
Kuluris, 49. Valkvist, 58. Biçaxçyan, 75 – Malqryu, 15. Makklin, 51.
Zalaeqerseq (Macarıstan) - Osiyek (Xorvatiya) 1:2 (0:1)
İkoba, 82 – Qerqenyi, 9-öz qapısına. Spolyariç, 73.
Dila (Gürcüstan) - Vorskla (Ukrayna) 3:1 (1:2)
Parulava, 45. Kovtalyuk, 71. Qeyl, 86 – Stepanyuk, 74.
Levski (Bolqarıstan) - Şkupi (Şimali Makedoniya) 1:0 (2:0)
Petkov, 90+11.
Petrokub (Moldova) - Makkabi (Təl-Əviv, İsrail) 0:2 (0:3)
Qiaqon, 90+1. Perets, 90+4.
Sepsi (Rumıniya) - ÇSKA (Bolqarıstan) 4:0 (2:0)
Matey, 19-p. Aqanoviç, 70. Varqa, 90. Alimi, 90+4-p.
Bohemians 1905 (Çexiya) - Bude/Qlimt (Norveç) 2:4 (0:3)
Matouşek, 26. Krapka, 55 – Sörli, 22. Mumbanya, 42. Qrönberq, 78. Sorensen, 88.
Rusenborq (Norveç) - Kruzeyders (Şimali İrlandiya) 3:2, ə.v. (2:2)
Nelson, 34. Torvaldsson, 102. Kornik, 108 – Louri, 45. Hitli, 105.
Riqa (Latviya) - Keçkemet (Macarıstan) 3:1, ə.v. (1:2)
Nqonda, 62. Mankenda, 90+5. Nqom, 120+2 – Vaqo, 8.
Beytar (İsrail) - PAOK (Yunanıstan) 1:4 (0:0)
Fraydey, 45+7 – Qotlib, 12-öz qapısına. Lyamas, 45+1. Tomas, 90+2-öz qapısına. Konstantelias, 90+6.
Jilina (Slovakiya) - Gent (Belçika) 2:5 (1:5)
Kaprarik, 66. Bari, 77 – Hyulsager, 30. Kuypers, 62; 89. Tissaudali, 70. Qerkens, 72.
Voyvodina (Serbiya) - APOEL (Cənubi Kipr) 1:2 (1:2)
Jukiç, 37 – Sarfo, 28. Efrem, 74-p.
Orhus (Danimarka) - Brügge (Belçika) 1:0 (0:3)
Beymo, 3.
Adana Dəmirspor (Türkiyə) - ÇFR (Rumıniya) 2:1 (1:1)
Akintola, 43. Ş.Ndiaye, 90+3 - Moqoş, 68-p.
Proqres (Lüksemburq) - Midtüllann (Danimarka) 2:1, ə.v. (0:2)
De Almeyda, 15; 52 – Çilufya, 112.
Drita (Kosovo) - Viktoriya (Plzen, Çexiya) 1:2 (0:0)
Krasniçi, 90+1 – Durosinmi, 76. Yirka, 90+23-p.
Tirana (Albaniya) - Beşiktaş (Türkiyə) 0:2 (1:3)
Amarti, 56. Abubakar, 75.
Aris (Yunanıstan) - Ararat-Armeniya (Ermənistan) 1:0 (1:1)
Fabiano, 80.
Riyeka (Xorvatiya) - Dukacini (Kosovo) 6:1 (1:0)
Paşaliç, 27. İvanoviç, 39; 45+3; 90+2. Qoda, 64. Cuahra, 81 - Zulfici, 42.
Hibernian (Şotlandiya) - İnter Eskaldes (Andorra) 6:1 (1:2)
Boyl, 10; 22. Doyc, 29. Kempbell, 48; 62. Yuan, 65 – De la Torre, 83.
Borats (Bosniya və Hersoqovina) - Austriya (Avstriya) 1:2 (0:1)
Kortes, 49 – Qruber, 52. Polster, 62.
Larn (Şimali İrlandiya) - Ballkani (Kosovo) 1:4 (0:3)
Bonis, 60-p. – Qripşi, 27; 36. Rahmani, 46. Krieziu, 66.
FKSB (Rumıniya) - ÇSKA 1948 (Bolqarıstan) 3:2 (1:0)
Cokoviç, 27; 82. Popesku, 90+1 – Pedrinyo, 49. Daskalov, 68.
Hammarbü (İsveç) - Tvente (Niderland) 1:1, ə.v. (0:1)
Erabi, 38 - Taha,115.
Dandolk (İrlandiya) – Akureyri (İslandiya) 2:2 (1:3)
Martin, 33. Sloqqett, 89 - Edmundsson, 14. Steynqrimsson, 81-p.
Lütsern (İsveçrə) - Yurqorden (İsveç) 1:1 (2:1)
Burx, 27 – Asoro, 45+6.
Legiya (Polşa) - Ordabası (Qazaxıstan) 3:2 (2:2)
Vşolek, 18. Ribeyro, 42. Pekhart, 74 - Sadovski, 57. Malıy, 84.
Şemrok Rovers (İrlandiya) - Ferentsvaros (Macarıstan) 0:2 (0:4)
Zahariassen, 31. Mmae, 90.
Maribor (Sloveniya) - Differdanj (Lüksemburq) 4:3, ə.v. (1:1)
Kolar, 5. Repas, 62. Brniç, 82. İliçiç, 120+1-p. - Eriko, 27-p. Trani, 42; 46.
Heverforduest Kaunti (Uels) - B-36 Torshavn (Farer adaları) 1:1, ə.v. (1:2)
Fosett, 66 - Benyaminsen, 100-p.
Debretsen (Macarıstan) - Alaşkert (Ermənistan) 1:2, p. – 3:1 (1:2)
Cucak, 77 – Ustinov, 18. Olamilekan Fatay, 67.
Gimaraynş (Portuqaliya) - Selye (Sloveniya) 0:1, p. – 2:4 (4:3)
Bayde, 65.

Bu mərhələnin avqustun 1-2-də keçirilən oyunlarının nəticələri: Valmiera (Latviya) - Tre Penne (San Marino) 7:0 (3:0), Baltsan Yuts (Malta) - Neman (Belarus) 0:0 (0:2), Zimbru (Moldova) - Fənərbaxça (Türkiyə) 0:4 (0:5), Svift Esperanj (Lüksemburq) - Nyu Seynts (Uels) 3:2 (1:1), Partizani (Albaniya) - Atletik Eskaldes (Andorra) 4:1 (1:0), Buduçnost (Monteneqro) - Struqa (Şimali Makedoniya) 3:4 (0:1), AEK (Cənubi Kipr) – Torpedo-BelAZ (Belarus) 1:1 (3:2), F91 Düdelanj (Lüksemburq) – Qzira Yunayted (Malta) 2:1 (0:2).

İlk oyunları avqustun 10-da keçiriləcək 3-cü təsnifat mərhələsində cütlər belə formalaşıb: Beşiktaş – NEFTÇİ, SABAH – Partizan (Serbiya), AEK (Cənubi Kipr) - Makkabi (Təl-Əviv), Hayduk (Xorvatiya) – PAOK, Omoniya – Midtüllann, FK Santa Koloma – Alkmaar (Niderland), Aris (Yunanıstan) – Dinamo (Ukrayna), Sepsi – Aktobe, Legiya – Austriya, Rapid (Avstriya) – Debretsen, Hapoel (Beer Şeva) – Levski (Bolqarıstan), Hibernian – Lütsern, B36 Torshavn – Riyeka, Dila – APOEL, Viktoriya (Plzen) - Qzira Yunayted, Tvente – Riqa, Lex – Spartak (Slovakiya), Aroka (Portuqaliya) – Brann (Norveç), Rusenborq (Norveç) – Harts (Şotlandiya), FKSB – Nordsyullann (Danimarka), Gent – Poqon, Fənərbaxça – Maribor, Tobol – Derri Siti, Adana Dəmirspor – Osiyek, Brügge – Akureyri, Bude/Qlimt – Pünik, Selye – Neman, Hamrun Spartans – Ferentsvaroş, Farul – Flora (Estoniya), Valmiera – Partizani, Ballkani (Kosovo) – Linkoln Red İmps (Cəbəllütariq), Struqa – Svift Esperanj.