Konfrans Liqasının (KL) 2023/24 mövsümünün startı iyulun 12-də verilən 1-ci təsnifat mərhələsinin ilk oyunlarına cümə axşamı yekun vuruldu. Srağagün 29 oyun keçirildi.

Qeyd edək ki, UEFA-nın əmsallar cədvəlində reytinqi nisbətən yüksək olan ölkəmizin KL-dəki hər üç təmsilçisi mübarizəyə 2-ci təsnifat mərhələsindən başlayacaq. Srağagün iki komandamızın potensial rəqibləri ilk oyunlarını keçirdilər. Şimali Makedoniyanın paytaxtı Skopyedə keçirilən matçda bir qol qeydə alındı. “Sabah”ın potensial rəqiblərinin – “Makedoniya” - RFŞ görüşünün nəticəsini serbiyalı hücumçu İliçin 34-cü dəqiqədə vurduğu qol müəyyənləşdirdi. Viktor Morozun çalışdırdığı Latviya komandası bu nəticə ilə mərhələni adlamaq şansını artırdı.

“Neftçi”nin potensial rəqibləri isə Bosniya və Hersoqovinanın Sarayevo şəhərində qarşılaşdılar. Hazırda Belarus çempionatında “Neman” ilə şərikli liderlik edən “Dinamo-Minsk” 2-ci hissənin əvvəlində Baxar və Morozovun qollarıyla ikitopluq üstünlük yaxalasa da, qələbəni qoruya bilmədi. “Jelezniçar”ı evdə məğlubiyyətdən Haraçiç xilas etdi. Oyuna 74-cü dəqiqədə qoşulan 28 yaşlı hücumçu minsklilərin üstünlüyünü heçə endirdi. Vadim Skripçenkonun çalışdırdığı qonaqlar istənilən halda rəqib meydanında qənaətbəxş nəticəyə nail oldular. Qeyd edək ki, bu komandalar arasındakı cavab görüşü iyulun 20-də Bakıdakı “Azərsun Arena”da keçiriləcək. Bu isə UEFA-nın Belarus komandalarının qitəmiqyaslı turnirlərin ev oyunlarını neytral meydanda və tamaşaçısız keçirməklə bağlı qərarından irəli gəlir. Əlavə edək ki, KL-dəki daha bir təmsilçimiz “Qəbələ” 2-ci təsnifat mərhələsində “Omoniya” ilə qarşılaşacaq. Cənubi Kipr klubu da ölkə reytinqinin yüksək olması səbəbindən 1-ci təsnifat mərhələsindən azaddı.

Ümumiyyətlə, bu mərhələnin ilk oyunları postsovet məkanından olan komandalar üçün qənaətbəxş alındı. Sabiq SSRİ-yə daxil olan 8 ölkənin 18 təmsilçisinin göstəriciləri belə oldu: 5 qələbə, 9 heç-heçə, 4 məğlubiyyət.

1-ci təsnifat mərhələsi, ilk oyunlar
Makedoniya (Şimali Makedoniya) – RFŞ (Latviya) 0:1
İliç, 34.
Makedoniya: Stevkovski, Mişevski, İlievski, Andrey Yaqo, Stoykov, Samake (Sekovski, 83), Fazli (Xalid, 83), Stoykoski, Popzlatanov, Skenderi (Karaçanakov, 60), Aleksovski (Peçov, 66).
RFŞ: Neruqals (Şteynbors, 19), Savalnieks, Mareş (Zelenkov, 74), Prenqa, Lipuşçek, Paniç, Marhyev, Emerson Deoslesiano (İkaunieks, 74), Kuadio, İliç, Diomande.
Jelezniçar (Bosniya və Hersoqovina) – Dinamo-Minsk (Belarus) 2:2
Haraçiç, 85; 90+1- Baxar, 41. Morozov, 50.
Jelezniçar: Mulaliç, Kosoriç (Drina, 80), Kosaliç, Qaliç (Ovçina, 80), Yaşareviç, Ştiliç (Haraçiç, 74), Rustemoviç (Biber, 74), Mekiç, Krpiç, Drlyo (Qasal, 62), Amoa.
Dinamo-Minsk: Lapouxov, Saçivko, Bequnov (Svirepa, 89), Orinyo (Vakuliç, 89), Şvetsov, Selyava, Bıkov, Rılaç (Sedko, 66), Baxar (Nikiforenko, 66), Bakiç, Morozov (Xvaşinski, 55).
Tobol (Qazaxıstan) – Honka (Finlandiya) 2:1
Vukadinoviç, 61; 75 – Kaufman, 39.
Ararat-Armeniya (Ermənistan) – Eqnatya (Albaniya) 1:1
Alemao, 36 – Dvamena, 90+7.
İnter Eskaldes (Andorra) - Vikinqur (Farer adaları) 2:1
Feher, 28. Əl-Həddadi, 45+1 – S.Vatnhamar, 59-p.
Pünik (Ermənistan) – Trans (Estoniya) 2:0
Curiçiç, 65. Ceyms. 88.
Jilina (Slovakiya) – Levadiya (Estoniya) 2:1
Dyuriş, 7. Mısloviç, 90+3-p. – Aqiri, 53.
Panevejis (Litva) – Milsami (Moldova) 2:2
Kadyenoviç, 17. Smit, 48 – Qinsari, 50-p.; 67.
Haka (Finlandiya) – Kruzeyders (Şimali İrlandiya) 2:2
Roqerson, 33. Fofana, 36 – Forsayt, 22. Klark, 68.
Meqpays (Cəbəllütariq) - Dandolk (İrlandiya) 0:0
Alaşkert (Ermənistan) – Arsenal Tivat (Monteneqro) 1:1
Ustinov, 66 – Monteneqro, 23.
Qzira Yunayted (Malta) – Qlentoran (Şimali İrlandiya) 2:2
Vilkson, 29. Borq, 40 – Oqedi-Ozokve, 9. Makkartan, 48.
Domjale (Sloveniya) - Baltsan Yuts (Malta) 1:4
Kovaçeviç, 57-p. – Andreiç, 8. Qrek, 44-p. Olavale, 53. Zeryal, 90+4.
Dukacini (Kosovo) – Europa (Cəbəllütariq) 2:1
Şabani, 30. Zulfiyi, 90+6 – Poso, 45+6.
Torpedo (Gürcüstan) – Sarayevo (Bosniya və Hersoqovina) 2:2
Sandoxadze, 44. Buqridze, 48 – Oliveyra, 47. Zelkoviç, 52.
Riqa (Latviya) – Vikinqur (İslandiya) 2:0
Duqlas Aurelio, 31. Reqja, 52.
Hegelmann (Litva) – Şkupi (Şimali Makedoniya) 0:5
Sefas, 11; 45+1; 56; 62. Putita, 23.
Dunayska Streda (Slovakiya) – Dila (Gürcüstan) 2:1
Trusa, 33. Ramadan, 36 – Kovtalyuk, 43.
Penibont (Uels) – FK Santa Koloma (Andorra) 1:1
De Uerta, 36 – Veneybls, 66.
Proqres (Lüksemburq) – Qjilani (Kosovo) 2:2
De Almeyda, 11. Natami, 62 – Ramadani, 48-p.; 66-p.
KA Akureyri (İslandiya) – Konna’s Kuey (Uels) 2:0
Steynqrimsson, 60. Hafsteynsson, 84.
Vaduts (Lixtenşteyn) – Neman (Belarus) 1:2
Kaven, 22 – Zuboviç, 29. Şukurov, 62.
Tirana (Albaniya) – Dinamo (Batumi, Gürcüstan) 1:1
Luşkya, 90+3 – Flamarion, 66.
HB Torshavn (Farer adaları) – Derri Siti (İrlandiya) 0:0
Şkendiya (Şimali Makedoniya) – Haverforduest Kaunti (Uels) 1:0
Şalya, 47.
Sutyeska (Monteneqro) – Kosmos (San Marino) 1:0
Markoviç, 79.
Fiorita (San Marino) – Zimbru (Moldova) 1:1
Kasolla, 34 – Keruntu, 64.
Linfild (Şimali İrlandiya) – Vlazniya (Albaniya) 3:1
Makki, 57; 68. Skott, 76 – Yuriç, 89.
Maribor (Sloveniya) – Birkirkara (Malta) 1:1
Brniç, 67-p. – Mbonq, 31.
Bu mərhələnin iyulun 12-də keçirilən oyunlarının nəticələri: F91 Düdelanj (Lüksemburq) – Sent Patriks (İrlandiya) 2:1, B36 Torshavn (Farer adaları) – Payde (Estoniya) 0:0.

Cavab oyunları iyulun 18-i və 20-də keçiriləcək.