“Mətbuatda ilk dəfə bu xəbər yayılanda və hamı bunu müzakirə edəndə uşaqlarım ağlayırdı. Ailəm də daxil olmaqla hər şeyin göz görə-görə yıxıldığını hiss edirdim. Hətta Mauro da karyerasını bitirmək istədi. Bacım Zaira tələm-tələsik tətildən yarımçıq döndü. Anam da durmadan ağlayırdı. Amma mən güclü oldum və hər kəsə durumumun qaydasında olduğunu hiss etdirdim. Çünki hər şey dağılırdı. Hər kəs şokda idi. Anlaya bildiyim zaman bəlkə də insanlara xəstəliyimi anladacam. Həkimlərin şübhələri var idi. Onlar mənə 6 fərqli xəstəlikdən biri ola biləcəyini dedilər. Amma heç nə söyləmədilər. Çünki əmin deyildilər. Biopsiya etdirdim və bu, 15-20 gün davam etdi. Sonra hər şey təsdiqini tapdı. Biopsiya davam edərkən mən xəstəliyimi televizordan öyrəndim. Həkimlərə dedim ki, kanallar mənim xəstəliyimi yayıblar. Amma hələ də dəqiq heç nə bilinmirdi. Əlavə 5 testdən keçməli oldum. Yenə də 100 faiz təyin edə bilmədilər. Hələ ki mənə bəzi dərmanlar veriblər. Onlar da səhvə yol vermək istəmir. Müalicənin düzgün olması üçün xəstəliyin diaqnozu da düzgün qoyulmalıdı”.