Ötən mövsüm ikinci dövrənin gedişində dəhşətli zəlzələdən sonra Türkiyə çempionatından çəkilmək məcburiyyətində qalan və ağır günlər keçirən ''Hatayspor'' Volkan Dəmirəlin başçılığı altında yeni mövsümə hazırlığını davam etdirir.

“Football-plus.az” xəbər verir ki, komanda iyulun 28-dən İtaliyada toplanış keçir. Dünən Hatay təmsilçisi Avropada sayılıb-seçilən klublardan biri ilə - son İtaliya çempionu ''Napoli'' ilə gücünü sınadı. ''Teofilo Patini'' stadionunda baş tutan qarşılaşmaya Neapol təmsilçisi kifayət qədər güclü heyətlə çıxdı. Hər halda komandanın aparıcı üzvlərindən sayılan Di Lorentso, Angissa, Zelinski, Kvaratsxeliya və Osimhen kimi futbolçular ilk ''11-lik''də idi. Ona görə də neapolluların böyük hesabla qalib gəlməsi sürpriz olmadı. İtaliya təmsilçisi Türkiyə təmsilçisini 4 cavabsız qolla məğlub etdi. İtaliya çempionunun heyətində qolları 23 və 27-ci dəqiqələrdə Osimhen, 64 və 70-ci dəqiqələrdə isə Ciovanni Simeone vurdu.

ƏLİ