"Bakıya gəzməyə gəlməmişik"
Sabah "Qarabağ" Çempionlar Liqasının 1-ci təsnifat mərhələsinin cavab matçında "Linkoln Red İmps"i qəbul edəcək.
"Football-plus.az" xəbər verir ki, oyundan öncə qonaqların çalışdırıcısı Xavi Munyozun mətbuat konfransı keçirilib. Sizi mütəxəssisin fikirləri ilə tanış edirik:
"Bizi çox çətin oyun gözləyir. Matça onsuz da məğlub başlayacağıq. Bütün bunlara baxmayaraq, komandamıza inamımız böyükdü. Ümid edirəm ki, fərqli bir şey etyməyə nail olacağıq".
- "Linkoln"un Bakıya 16 saatlıq yol qət etməsi müzakirə edildi. Bu, oyununuza təsir edəcək?
- Düzdü, səfər uzun oldu. Amma sizin qeyd etdiyiniz qədər də uzun deyil. Klub çalışdı ki, bizim üçün rahat şərait yaratsın. Düşünmürəm ki, bu amil sabah oyunda bizə təsir etsin.
- Cavab oyununda "Qarabağ"ı nə ilə təəccübləndirəcəksiz?
- İlk oyunda qurduğumuz plan özünü doğrultdu. Hətta qələbə də qazana bilərdik. Sadəcə bəxtsizlik kimi qəbul edirəm qalib gələ bilməməyimizi. Sabah da xüsusi planlarımız var. Bakıya gəzməyə gəlməmişik. Planımı burada açıqlamayacam. "Qarabağ"ı sabah da təəccübləndirmək üçün hər şeyi edəcəyik.
Digər xəbərlər
