"Yurqorden"in məşqçisi Musa Qurbanlı haqda danışdı
"Yurqorden"in məşqçisi Hüqo Berqqren Musa Qurbanlı haqda danışıb.
"Football-plus.az" saytının məlumatına görə, mütəxəssis millimizin hücumçusuna böyük ümidlər bəslədiklərini deyib:
"Musanın bizi ən çox cəlb edən tərəfi cərimə meydançasında hərəkətli olmasıdı. Daim qapıçının topu itirməsini, müdafiəçinin yıxılmasını gözləyir. Bir sözlə, asan qol vura biləcəyi imkanlar axtarır. Fərqlənmək üçün hər epizoda daxil olur. Dizi, başı, sağ və ya sol ayağı ilə, fərqi yoxdu, qol vurmaq üçün hər şey edir".
Onun bildirdiyinə görə, Musanı Konfrans Liqasında "Gent"ə qarşı oyunlardan sonra şəxsi əlaqələr vasitəsilə tapıblar:
"Bundan sonra onun agenti ilə əlaqə saxladım. Belə layiqli oyunçunu transfer edə bilmək xoşdu. O, avrokuboklarda "Lex", "Ferentsvaroş", "Nant", "Olimpiakos" və başqa böyük komandaları məğlub edən "Qarabağ"dan gəlib. İşlərini həll etmək üçün hazırda Azərbaycandadı. Bununla belə, tezliklə məşqlərə başlayacağına və "Malmö" ilə matçda bizə kömək edəcəyinə inanırıq. Çalışırıq ki, həmin görüşdən bir neçə gün tez gəlsin".
Qeyd edək ki, Musa Qurbanlı "Yurqorden"lə 3 illik müqavilə bağlayıb.
