Anxel Di Mariyanın “Yuventus” macərası bir il çəkib.

“Football-plus.az” xəbər verir ki, təcrübəli futbolçu artıq İtaliya klubunu tərk edib. Argentinalı yarımmüdafiəçi yenidən Portuqaliyada çıxış edəcək. O, artıq sabiq klubu “Benfika” ilə anlaşıb. “Record” qəzeti Di Mariyanın issabonlularla birillik müddətə anlaşdığını xəbər verib.

Xatırladaq ki, 35 yaşlı dünya çempionu “Benfika”da 2007-10-cu illərdə çıxış edib. Sonra “Real” (2010-14), “Mançester Yunayted” (2014-15) və PSJ-nin (2015-22) formasını geyən Anxel “Yuventus”la ötən yay birillik müqavilə bağlamışdı.