Anxel Di Mariya “Yuventus”dan ayrıla bilər.

"Football-plus.az" xəbər verir ki, argentinalı futbolçunun bu yay azad agent kimi “Barselona”ya keçmək ehtimalı var.

“Tuttosport” qəzetinin məlumatına görə, 35 yaşlı yarımmüdafiəçi karyerasını davam etdirmək üçün müxtəlif variantları nəzərdən keçirir. Anxel ölkəsinə qayıda və ya “Barselona”ya keçə bilər.

Yeri gəlmişkən, o, ötən mövsüm İspaniya klubuna təklif olunmuşdu. “Barselona” rəhbərliyi onunla müqavilə bağlamağı düşünürdü, lakin futbolçunun yaşına görə bu fikrindən daşınmışdı.

Di Mariyanın PSJ-nin hücumçusu Lionel Messi ilə yaxşı münasibətdə olduğu məlumdu. Hər iki futbolçunun tezliklə “Barselona”ya keçə biləcəyi ehtimalı var.