“İlk dəfə idi ki, püşkatmadan öncə təşkilatçılıqla bağlı seminar da keçirildi. Başqa məsələlər barədə də UEFA-nın müvafiq departamentləri tərəfindən məlumat verildi. Bu dəfə bütün yarışlarda ilkin mərhələlər istisna olmaqla, sonrakı raundlarda VAR tətbiq olunacaq. Püşkatmaya gəlincə, “Omoniya”nın iki nümayəndəsi – klubun meneceri, stadion və təhlükəsizlik meneceri orda idi.

Cənubi Kipr təmsilçisi kifayət qədər avrokubok təcrübəsi olan klubdu. “Qarabağ”la qarşılaşdıqlarından Azərbaycana səfər təcrübələri də var. Əksər sualların cavabını bilirlər. Biz də əvvəlki illərdə Cənubi Kipr komandaları ilə üz-üzə gəldiyimizdən bu yöndə təcrübəmiz var. Hamıya məlumdu ki, Cənubi Kipr klubları ilə qarşılaşanda bir qədər fərqli prosedurlarla üzləşirsən. Məsələn, ora ancaq çayter reysi ilə uçmaq mümkündü. Viza almaq çox çətindi. Çünki Bakıda Cənubi Kiprin səfirliyi yoxdu. Bu səbəbdən ya yerində, yəni hava limanında, ya da Moskvadakı konsulluqla bu məsələni həll etmək lazımdı. Bu mövzular ətrafında fikir mübadiləsi apardıq. Çalışacağıq vizanı yerində alaq. Uyğun, rahat, xoş klub təəssüratı bağışlayır.”Qarabağ”dan olan həmkarlarımız da bildirdilər ki, “Omoniya” rəhbərliyi təşkilati məsələlərdə, qonaqpərvərlikdə yaxşı mənada fərqlənən klubdu”.