“Hazırda çox əsəbiyəm. İnanın, nə deyəcəyimi bilmirəm. Qərar açıqlanandan bəri adam içinə çıxa bilməmişəm. Hamı zəng edib nələrin baş verdiyini soruşur. Deməyə söz tapmıram. Bu qərardan belə anlaşılır ki, AFFA Lənkəranda futbolun inkişafını istəmir. Görəsən, hansı əsaslı səbəblərə görə bu qərar verilib? Bilmirəm! Nə maliyyə, nə infrastruktur, nə baza, nə uşaq futbolu, nə də azarkeş dəstəyi ilə bağlı çatışmazlıq var. Hər şey qaydasındadı. Bu qərarı təsdiqləyənlər də bunu bilir. Hətta adını çəkmək istəmədiyim AFFA rəsmiləri də ən azı 2-ci divizionda çıxış edə biləcəyimizi demişdilər.

Lənkəranın futbol tarixi hər kəsə bəllidi. Bu torpaqlarda ürəyi futbolla döyünən saysız-hesabsız yeniyetmələr var. Qərəzli və ya qərəzsiz addım olub-olmadığını deyə bilmərəm. Lakin çox böyük səhvə yol verdilər. Çox heyif!”.