Neymar Hemiltonu bəyənir, ancaq Breydlidən dəvət alıb
Dünya futbolunun ən böyük ulduzlarından biri Neymar son aylarda yaşıl meydanlardakı hərəkətləri ilə yox, şou-biznes aləminə xas xəbərlərlə gündəmə gəlir.
"Football-plus.az" xəbər verir ki, hazırda zədəsini müalicə etdirən, yay “transfer pəncərəsi” dövründə PSJ-ni tərk edəcəyi deyilən 31 yaşlı braziliyalı ötən həftəsonu Monako “Qran-pri”sini izləyənlər arasında olub.
“Formula-1” dünyasına baş vurmuşkən sevimli pilotunun da adını çəkib:
“Formula-1”i sevirəm, pilotlardan isə Lüis Hemiltonu daha çox bəyənirəm. O, mənim böyük dostumdu”.
Neymarı özünə dost sayan idmançılar da var. Biri elə “Mayami”nin hücumameyilli müdafiəçisi Cimmi Batlerdi. O, komandasının “Denver”lə keçirəcəyi final seriyasına PSJ-nin forvardını da dəvət edib:
“Ümid edirəm ki, o gələcək. Ney, basketbola baxdığını bilirəm. Finalda olacağına ümid edirəm. Neymar mənim dostumdu. Başqa idman növlərində məni ruhlandıranların oyunlarına daim baxıram. Saşa Zverev, Karlos Alkaras, Serena Uilyams… Neymar bunlardan biridi. O, yaxın dostumdu, mənə azarkeşlik etsə, hər şey qaydasında olacaq”.
Digər xəbərlər
