Neymar klubunu dəyişməyi planlaşdırmır. Bu barədə “Ekip” məlumat yayıb.

Football-plus.az xəbər verir ki, Fransa qəzetinin yaydığı xəbərə görə, braziliyalı hücumçu 2027-ci ilə qədər nəzərdə tutulan müqaviləsinin müddəti bitmədən PSJ-ni tərk etmək fikrində deyil. Komanda yoldaşı və dostu Lionel Messi klubla müqaviləni yeniləməmək qərarı versə belə, Neymar planlarını dəyişməyəcək. Braziliyalı PSJ-nin formasını 2017-ci ildən geyir. 31 yaşlı forvard bu mövsüm Liqa 1-də 20 oyunda 13 qol vurub və 11 qolun ötürməsini verib. Daha əvvəl PSJ-nin Neymarı növbəti yay “transfer pəncərəsi” zamanı satmaq istədiyi iddia olunmuşdu.