"Everton" Türkiyə millisinin hücumçusu ilə yollarını ayırır

İngiltərənin "Everton" klubu Türkiyə millisinin futbolçusu Cenk Tosunla yollarını ayırır.

Mersisayd təmsilçisi 31 yaşlı hücumçunun cari mövsümün sonunda başa çatacaq müqaviləsini yeniləməməyi qərara alıb.

Rişarlison və Dominik Kalvert Lüinlə rəqabətə tab gətirə bilməyən təcrübəli forvardın yenidən Türkiyəyə qayıdacağı gözlənilir.

Qeyd edək ki, Cenk Tosun 2018-ci ilin yanvarında "Beşiktaş"dan 20 milyon funt sterlinq qarşılığında "Everton"a transfer olunub. Futbolçu bu mövsüm Premyer Liqa klubunda cəmi 3 oyunda meydana çıxıb.