”Bilet satışı Bakıda mayın 29-dan etibarən 2 ünvanda – oyunun keçiriləcəyi “Bakcell Arena”nın və Tofiq Bəhramov adına Respublika Stadionunun kassalarında təşkil ediləcək. Onlayn satış olmayacaq. Hər kluba 3 min bilet təqdim olunacaq. “Qəbələ” İdman Klubu doğma şəhərində, klubun bazasında satış təşkil edəcək. Satışın məhz mayın 29-dan etibarən təşkil edilməsinə səbəb isə premyer-liqanın bir gün öncə yekunlaşmasıdı. 36-cı turda “Neftçi” doğma meydanda “Sabah” ilə qarşılaşacağından “Bakcell Arena”nın kassaları klub tərəfindən istifadədə olacaq. Ümumilikdə artıq indidən biletlə yetəri qədər maraqlananlar var ki, bu da bizi sevindirir. Oyun 20:00-da başlayacaq. Bir saat öncə - 19:00-da isə tanınmış müğənni Hiss-in təxminən 40 dəqiqəlik konserti olacaq ki, bunun da təsiri olduğuna şübhə yoxdu. Qiymətlər isə yerindən asılı olaraq 2, 3, 5 və 10 manatdı”.